Stasjon Ljouwert Achter de Hoven

Ut Wikipedy
Jump to navigation Jump to search
Leeuwarden Achter de Hoven railway station.jpg

Stasjon Ljouwert Achter de Hoven (troch ProRail Achter de Hoven neamd en troch NS Ljouwert Achter de Hoven neamd) wie in treinhalte yn Ljouwert, dy't oan de spoarwei Ljouwert - Grins leit.

De halte waard iepene op 5 july 1915, mar op 19 maaie 1940 al wer sluten. Sûnt 3 oktober 1954 is de halte wer iepen. Ljouwert Achter de Hoven is gjin gewoan stasjon, der stiet gjin stasjonsgebou of abry en ek is der gjin kaartautomaat. Boppedat is it net opnommen yn de tsjinstregeling. De trein stoppet der trije kear per dei op dizze tiden: 7.52 fan Grins ôf en 16.03 en 17.03 oere fan Ljouwert ôf. De trein stoppet hjir foar de meiwurkers fan it molkfabryk fan Royal Friesland Foods dat der neist leit.

Hoewol't der mar ien spoar wie, wiene der dochs twa perrons. De twa perrons leine frij fier útinoar, hast wol in pear hûndert meter, mei dêrtusken in oerwei mei de Julianastrjitte en in twadde oerwei dy't op it terrein fan FrieslandCampina leit.

De NS woe yn it ferline fan de lytse halte ôf, mar troch in soad protesten fan bedriuwen út 'e buert is hjir oant no ta fan ôfsjoen.

Yn desimber 2006 waarden de treinen op it trajekt Ljouwert - Grins ferfongen troch lighttrainmaterieel (de GTW fan Stadler Rail); men ûndersocht de mooglikheid om Ljouwert Achter de Hoven fan dy tiid ôf as folweardich stasjon yn de tsjinstregeling op te nimmen.

Ein 2014 joech ProRail oan it stasjon slute te wollen[1]. De provinsje joech Arriva tastimming om fan 3 septimber 2018 ôf te stopjen, dêrtroch't 31 augustus winliken de lêste dei waard dêr't treinen by it stasjon stopten[2].

Op freed 31 augustus 2018 stopte de lêste trein op it stasjon, dat dêrnei sleat. Oant it sluten fan it stasjon, wie it it minst brûkte stasjon fan Nederlân, mei sa'n 10 yn- en útstappers de dei.[3]

Boarnen, noaten en referinsjes[boarne bewurkje]

Boarnen, noaten en/as referinsjes: