Sarah Hyland

Ut Wikipedy
Gean nei: navigaasje, sykje
Sarah Hyland
Sarah Hyland at 2015 PaleyFest.jpg
persoanlike bysûnderheden
echte namme Sarah Jane Hyland
nasjonaliteit Flag of the United States.svg Amerikaansk
berne 24 novimber 1990
berteplak New York (New York)
etnisiteit Flag of the United States.svg Angelsaksysk Amerikaansk
jierren aktyf 1997 – no
offisjele webside
gjint

Sarah Hyland (folút: Sarah Jane Hyland; New York, 24 novimber 1990) is in Amerikaansk tillefyzje-, film-, musical- en stimaktrise. Hja waard bekend yn 'e rol fan 'e âldste, wat dommige dochter fan it gesin Dunphy yn 'e komeedzjesearje Modern Family.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Hyland waard yn 1990 berne yn New York, as de dochter fan Edward James Hyland en Melissa Canaday, dy't beide ek as akteurs aktyf binne. Hja hat in jongere broer, Ian. Hyland studearre oan 'e Professional Performing Arts School, yn Manhattan.

Sarah Hyland yn 2013.

Aktearkarriêre[bewurkje seksje | boarne bewurkje]

Hyland is al oan it aktearjen sûnt se fiif jier wie. Yn har earste filmrol spile se de dochter fan radiopresintator Howard Stern, yn dy syn autobiografyske film Private Parts, út 1997. Yn 1999 spile se Molly yn 'e tillefyzje-remake fan 'e ferneamde musical Annie, en neitiid hie se ferskate gastrollen yn plysjesearjes lykas Law & Order, Law & Order: Special Victims Unit en Law & Order: Trial by Jury. Fan 2008 oant 2009 hie se in weromkearende rol as Maddy Healy, yn 'e rige Lipstick Jungle. Underwilens spile se op Broadway yn in toanielstik de jonge Jackie Kennedy.

Yn 2009 briek Hyland troch mei de rol fan Haley Dunphy, de wat dommige âldste dochter yn it gesin fan 'e dochter en skoansoan yn 'e searje Modern Family. Dy searje wie tige súksesfol en rint anno 2016 noch altyd. Mei de oare akteurs fan Modern Family wûn Hyland yn 2011, 2012, 2013 en 2014 fjouwer jier op rige de Screen Actors Guild Award yn 'e kategory treflike prestaasje fan in cast yn in komeedzjesearje.

Dêrnjonken wie Hyland op it wite doek te sjen yn films as Struck by Lightning (2012), Scary Movie 5 (2013) en Vampire Academy (2014), en op 'e tillefyzje yn 'e Disney-tillefyzjefilm Geek Charming (2011), de minysearje Bonnie & Clyde en yn gastrollen yn searjes as Hot in Cleveland en The Lion Guard.

Priveelibben[bewurkje seksje | boarne bewurkje]

As bern waard by Hyland nierdysplasy fêststeld. Yn april 2012 ûndergie se in niertransplantaasje, wêrby't har heit as donor fungearre. Yn 2009 krige Hyland in relaasje mei akteur Matt Prokop, dêr't se mei yn 'e kunde kaam doe't se tegearre audysje diene foar de film High School Musical 3: Senior Year. Hyland en Prokop wennen gear fan 2011 oant 2014. Yn septimber 2014 frege Hyland in tydlik omgongsferbod oan tsjin Prokop, nei't er har mishannele en bedrige hie. De rjochter kende dat kontaktferbod ta. Yn febrewaris 2015 gie Hyland om mei Dominic Sherwood, har tsjinspiler út 'e film Vampire Academy.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.