David Midthunder
| David Midthunder | ||
 akteur
| ||
| persoanlike bysûnderheden | ||
| echte namme | David Paul Midthunder | |
| nasjonaliteit |  Amerikaansk
| |
| berne | 1962 | |
| berteplak | it Fort Peck Yndianereservaat (Montana) | |
| etnisiteit |  Assiniboin (Assiniboine)  Sû (Sioux)
| |
| jierren aktyf | 1986 – no | |
| offisjele webside | ||
| gjint | ||
David Midthunder (folút: David Paul Midthunder; it Fort Peck Yndianereservaat (Montana), 1962) is in Amerikaansk akteur fan Yndiaansk komôf. Hy is in registrearre lid fan 'e Assiniboin en Sû fan it Fort Peck Yndianereservaat fan Montana (in stamme mei federale erkenning), en is fan mingd etnysk komôf, foar in part Hûnkpapa-Lakota, foar in part Sisseton-Dakota en foar in part Hûdesjabina-Assiniboin. Midthunder waard yn 'e tradysje fan syn folk grutbrocht. Hy naam diel oan it sinnedûnsritueel, in inisjaasjerite, besiket noch altyd swithutten en nimt diel oan tradisjonele dûnsen.
As akteur hat Midthunder bekendheid krige mei rollen yn tillefyzjesearjes as Into the West (2005) en Comanche Moon (2008). Ek hat er beskieden roltsjes yn in stikmannich films hân, wêrûnder Hidalgo (2004), Terminator Salvation (2009), The Last Stand (2013) en Transformers: Age of Extinction (2014). Dêrnjonken is er fral ek wurksum efter de skermen, as adviseur oangeande de Lakota-kultuer by in ferskaat oan Hollywoodproduksjes. Fierders hâldt er lêzings oer syn folk en kultuer, en is er in feardich surfer. Syn frou Angelique Midthunder, dy't fan Taisk komôf is, wurket ek yn 'e filmyndustry (as aktrise, stuntfrou en casting director), en harren dochter Amber Midthunder is ek aktrise.
Keppelings om utens[bewurkje seksje | boarne bewurkje]
| Boarnen, noaten en/as referinsjes: |