Kabinet-Rutte III

Kabinet-Rutte III
Beëdige		26 oktober 2017
Demisjonêr		15 jannewaris 2021
Untslein		10 jannewaris 2022
Koälysje		VVD, CDA, D66, KristenUny
Steatshaad		Willem-Alexander
Premier		Mark Rutte
VVD	CDA	D66	CU	Opposysje
33	19	19	5	74
Sitferdieling yn de Twadde Keamer
← Rutte II			Rutte IV →

It kabinet-Rutte III wie fan 26 oktober 2017 oant 10 jannewaris 2022 it kabinet fan Nederlân. It wie nei de Twadde Keamerferkiezings fan 2017 foarme troch in koälysje fan de partijen VVD, CDA, D66 en KristenUny.

Op 15 jannewaris 2021 moast it kabinet kollektyf ûntslach nimme, twa moanne foar de parlemintsferkiezings, as gefolch fan de ferneatigjende rapporten oer de affêre foar fergoeding foar berne-opfang.

Formaasje

Nei de Twadde Keamerferkiezings fan 15 maart 2017 sette de kabinetsformaasje útein ûnder lieding fan ferkenner Edith Schippers. Op 28 maart waard hja troch de Twadde Keamer as ynformateur oanwiisd om de ûnderhannelings foar in kabinet fan VVD, CDA, D66 en GrienLinks troch te setten. Dit besykjen mislearre op 15 maart om't de partijen it net mei-inoar lykfine koene oer asyl en migraasje.

Doe't op 23 maaie foar de twadde kear besocht waard om in kabinet te foarmjen, diskear mei de KristenUny, stelde Schippers foar en beneam in nije ynformateur: Herman Tjeenk Willink. Nije petearen mei GrienLinks lieden ek no net ta oerienstimming.

Op 27 juny joech de ynformateur yn syn einferslach oan dat de iennichste mooglikheid foar in mearderheidskabinet in kabinet wie mei de partijen VVD, CDA, D66 en KristenUny. Gerrit Zalm, earder minister fan Finânsjes, waard in dei letter beneamd ta ynformateur.

Mar leafst 208 dagen nei de ferkiezings, op 9 oktober, kaam der in foarriedich koälysjeakkoard foar in nij te foarmjen kabinet-Rutte III. Op 12 oktober waard Mark Rutte oansteld as formateur. Twa wike letter waarden dy wurksumheden ôfrûne en waard it nije kabinet beëdige. Mark Rutte waard ek premier, Hugo de Jonge (CDA), Kajsa Ollongren (D66) en Carola Schouten (CU) waarden fise-premier.

Ministearjes

It kabinet-Rutte III hie 12 ministearjes (waarnimmers wurde net neamd):

Ministearje	Minister	Minister sûnder portefúlje	Steatssekretaris
Ministearje fan Algemiene Saken	Mark Rutte 1		n.f.t.
Ministearje fan Binnenlânske Saken en Keninkryksrelaasjes	Kajsa Ollongren		Raymond Knops
Ministearje fan Bûtenlânske Saken	Halbe Zijlstra, Stef Blok, Ben Knapen	Sigrid Kaag, Tom de Bruijn	n.f.t.
Ministearje fan Definsje	Ank Bijleveld		Barbara Visser
Ministearje fan Ekonomyske Saken	Eric Wiebes, Bas van 't Wout		Mona Keijzer, Dilan Yeşilgöz-Zegerius
Ministearje fan Finânsjes	Wopke Hoekstra		Menno Snel, Hans Vijlbrief, Alexandra van Huffelen
Ministearje fan Folkssûnens, Wolwêzen en Sport	Hugo de Jonge	Bruno Bruins, Martin van Rijn, Tamara van Ark	Paul Blokhuis
Ministearje fan Ynfrastruktuer en Wettersteat	Cora van Nieuwenhuizen, Barbara Visser		Stientje van Veldhoven, Steven van Weyenberg
Ministearje fan Justysje en Feiligens	Ferdinand Grapperhaus	Sander Dekker	Mark Harbers, Ankie Broekers-Knol
Ministearje fan Lânbou, Natuer en Fiedselkwaliteit	Carola Schouten		n.f.t.
Ministearje fan Sosjale Saken en Wurkgelegenheid	Wouter Koolmees		Tamara van Ark, Bas van 't Wout, Dennis Wiersma
Ministearje fan Underwiis, Kultuer en Wittenskip	Ingrid van Engelshoven	Arie Slob	n.f.t.

¹ Mark Rutte jout as minister-presidint lieding oan it ministearje fan Algemiene Saken.

Sjoch ek

• List fan kabinetten fan Nederlân

Boarnen, noaten en referinsjes

Boarnen, noaten en/as referinsjes:

Kabinet-Rutte III (2017-2022), Parlement.com