Minister-presidint

Ut Wikipedy
Jump to navigation Jump to search

In minister-presidint (meartal: ministers-presidinten), dat letterlik "foarsittend minister" betsjut, is in regearingslieder dy't gjin steatshaad is. De plakferfanger fan in minister-presidint is in fise-minister-presidint. Yn Nederlân en it grutste part fan 'e wrâld wurde de termen 'minister-presidint' en 'premier' (letterlik: "earste [minister]") as synonimen brûkt. Yn beskate lannen bestiet der lykwols ûnderskie tusken dy beide funksjes. Dêrby is de minister-presidint dan ornaris de lieder fan it nasjonale regear, wylst de premier oan it haad stiet fan it regear fan in dielsteat of provinsje.

Sa'n sitewaasje bestiet yn Kanada, Austraalje en Súd-Afrika. De regearingslieder fan bygelyks de provinsje Alberta of de steat Queenslân is dus in premier (premier), wylst de lieders fan 'e federale regearings fan Kanada en Austraalje oantsjut wurde as minister-presidint (prime minister). Yn Dútslân en Eastenryk bestiet in ferlykbere sitewaasje, wêrby't de regearingslieders fan 'e ûnderskate bûnslannen, lykas Noardrynlân-Westfalen of Tiroal, as premier betitele wurde, al sprekt men dêr foar de lieder fan it federale regear net fan minister-presidint, mar fan bûnskânselier. Krekt oarsom is it yn Belgje, dêr't de lieders fan 'e gewesten en de mienskippen foar minister-presidint trochgeane en de lieder fan it federale regear foar premier.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.