De Weper

De Weper is in buorskip yn de gemeente Eaststellingwerf. De Weper leit benoarden Easterwâlde, noardlik fan de N919 nei Feanhuzen. De Weper is benammen bekend wurden troch de Weperbult, in earder jiskelân dat net mear brûkt wurdt.

De namme komt ek foar as Weper, Weperpoolder en Weperen. De Weper lei eartiids nochal isolearre tusken it Grut Djip en de bopperin fan de Tsjonger op in skiereilân fan sân. De kearn-ies bestie om 1830 hinne út in stik of 7 pleatsen dy't om de Mandebrink hinne stienen. In eintsje bûten dy ies wie noch in algemiene ies. Fjildnammen út de omkriten binne Maadbrink, de Brinkstukken en Karsbrinken.

De trije buorskippen Schrappinge, Jardinga en Lohuis binne grif fan Weper út ûntstien.

Lannen yn Weper

• de Wier
• de Streepe
• de Hege en Lege Stok
• it Potsje
• it Hoenderland
• it Ooyenlandje
• de Vorenste
• Efterste Lege Knollen

Sjoch ek

• Fryske doarpen, buorskippen en delsettings

Boarnen, noaten en referinsjes

Boarnen, noaten en/as referinsjes:

Grutte Provinsje Atlas Fryslân, Wolters-Noordhof Altlasproduksjes / Afûk, 2000 Karel F. Gildemacher, "Friese Plaatsnamen", Ljouwert, Friese Pers Boekerij 2007, Weper