Vulkaneifel

Lânkreis Vulkaneifel
polityk
soarte gebiet	Lânkring
lân	Dútslân
bûnslân	Rynlân-Palts
haadplak	Daun
grutste plak	Daun
tal gemeenten	109
kenteken	DAU
Kreisschlüssel	07 2 33
sifers
ynwennertal	60.646 (2019)
oerflak	911,02 km²
befolkingstichtens	67 / km²
oar
stifting	1937
tiidsône	UTC +1
simmertiid	UTC +2
koördinaten	50°14′ N 6°45′ E
webside	www.vulkaneifel.de

De lânkring Vulkaneifel (oant 31 desimber 2006 "lânkring Daun") is in bestjoerlik distrikt yn it noardwesten fan de Dútske dielsteat Rynlân-Palts. De lânkring leit yn de Eifel en is wat ynwenners oanbelanget de lytste lânkring fan de dielsteat en de op trije nei lytste fan Dútslân. De lânkring wurdt fanút Daun bestjoerd, neffens ynwennertal it grutste plak fan de lânkring Vulkaneifel.

Geografy[bewurkje seksje | boarne bewurkje]

De lânkring Vulkaneifel leit yn it westlike diel fan de Fulkaaneifel, in gebiet mei hichtes tusken 150 en 700 meter dat foarm krige troch it eardere fulkanisme en dat ryk is oan mineraalboarnen. It rivierke de Kyll streamt fan it noarden nei it suden troch de lânkring.

De lânkring grinzget mei de klok mei yn it noarden oan de kring Euskirchen yn Noardryn-Westfalen en oan Ahrweiler, Mayen-Koblenz, Cochem-Zell, Bernkastel-Wittlich en Bitburg-Prüm. It plak Ormont leit oant op likernôch 250 meter by de Belgyske grins, in lytse stripe fan Noardryn-Westfalen soarget der lykwols foar dat de lânkring Vulkaneifel net in mienskiplike grins mei Belgje hat.

Yn it gebiet lizze trije wichtige toeristyske rûte's: de Deutsche Wildstraße, de Deutsche Vulkanstraße en de Eifelsteig.