Verplanck Van Antwerp

Ut Wikipedy
Jump to navigation Jump to search
Verplanck Van Antwerp
Big battle symbol.svg militêr
Verplanck Van Antwerp.jpg
persoanlike bysûnderheden
namme folút Verplanck S. Van Antwerp
nasjonaliteit Flag of the United States.svg Amerikaansk
berne 8 juny 1807
berteplak Albany (New York)
stoarn 2 desimber 1875
stjerplak Marlboro Meadows (Marylân)
etnisiteit Flag of the Netherlands.svg Nederlânsk
wurkpaad
tsjinsttiid 18611865
yn tsjinst fan Flag of the United States.svg Feriene Steaten
legerûnderdiel lânmacht
Flag of the United States Army.svg Amerikaanske Leger
heechste rang brigadegeneraal
konflikt(en) Amerikaanske Boargeroarloch
oar wurk siktaris fan 'e kommissaris
   fan Yndiaanske Saken

Verplanck Van Antwerp (folút: Verplanck S. Van Antwerp; Albany (New York), 8 juny 1807Marlboro Meadows (Marylân), 2 desimber 1875) wie in Amerikaansk amtner en militêr fan etnysk Nederlânsk komôf. Hy wie siktaris fan 'e kommissaris fan Yndiaanske Saken en tsjinne ûnder de Amerikaanske Boargeroarloch yn it Noardlike Leger mei de rang fan generaal.

Libben en karriêre[bewurkje seksje | boarne bewurkje]

Komôf[bewurkje seksje | boarne bewurkje]

Van Antwerp waard yn 1807 yn in fan oarsprong Nederlânske famylje berne yn Albany, de haadstêd fan 'e Amerikaanske steat New York.

Wurk foar it Buro fan Yndiaanske Saken[bewurkje seksje | boarne bewurkje]

Yn 'e 1830-er en 1840-er jierren wurke er as ûntfanger foar it Amerikaanske Lânburo en as siktaris fan 'e kommissaris fan Yndiaanske Saken yn Keokuk, yn 'e steat Iowa. Benammen yn dy lêste hoedanichheid wied er belutsen by it sluten fan ferskate ferdraggen mei de Yndianen, wêrûnder it Ferdrach fan St. Peters, út 1837, mei de Odjibwe-stammen fan 'e Boppemarder Tsjippewa, Mississippy-Tsjippewa, Plonderder-Tsjippewa en Mille Lacs-Yndianen.

Amerikaanske Boargeroarloch[bewurkje seksje | boarne bewurkje]

Under de Amerikaanske Boargeroarloch (1861-1865) tsjinne Van Antwerp fan 1861 oant 1862 as majoar en kommandant fan 'e sjenytroepen ûnder generaal-majoar James G. Blunt. Letter waard er oerpleatst nei it Leger fan de Potomac, dat yn Noardlik Firginia tsjin 'e Konfederearre Steaten fan Amearika focht. Dêr waard er waarnimmend assistint-adjudant-generaal yn 'e stêf fan generaal-majoar Winfield Scott Hancock. Op dy post bleau er oan 'e ein fan 'e oarloch ta aktyf, wêrby't er úteinlik opklom ta de rang fan brigadegeneraal.

Gesinslibben en ferstjerren[bewurkje seksje | boarne bewurkje]

Van Antwerp wie troud mei Jane Maria Yates (1815-1870), in dochter fan John Van Ness Yates, dy't ek út Albany kaam, en in pakesizzer fan 'e politikus en rjochter Robert Yates. Mei har krige er fjouwer bern: twa dochters, Catharine (1831-1863) en Caroline (1843-1925), en twa soannen, Yates (1847-1???) en Jesse F. (1850-1???). Van Antwerp kaam yn 1875 yn 'e âlderdom fan 68 jier te Marlboro Meadows yn Marylân te ferstjerren.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.