Rhona Mitra

Rhona Mitra
akteur
persoanlike bysûnderheden
echte namme	Rhona Natasha Mitra
nasjonaliteit	Britsk
berne	9 augustus 1976
berteplak	Londen (Ingelân)
etnisiteit	Bingaalsk Iersk
jierren aktyf	1995 – no
offisjele webside
Rhona Mitra yn 'e IMDb

Rhona Mitra (soms misstavere as Rona Mitra; folút: Rhona Natasha Mitra; Londen, 9 augustus 1976) is in Britsk aktrise, model en sjongster fan mingd Bingaalsk-Iersk etnysk komôf. Hja waard bekend doe't hja ein 1990-er jierren it Lara Croft-model wie. Neitiid sette se útein mei in karriêre as aktrise, wêrby't se û.m. op 'e tillefyzje te sjen wie yn searjes as Party of Five, The Practice, Boston Legal, Strike Back, The Last Ship en Supergirl. Ek spile se yn films as Beowulf (1999), Doomsday en Underworld: Rise of the Lycans.

Libben en karriêre

Jonkheid en oplieding

Rhona Mitra waard yn 1976 berne yn 'e Londenske wyk Paddington, as de dochter fan 'e plastysk sjirurch Anthony Mitra, dy't in etnyske Bingalees út Yndia is, en dy syn frou Nora Downey, wa har famylje út Ierlân stammet. Mitra hat twa bruorren: Jason, dy't twa jier âlder is, en Guyan, dy't jonger as har is en as skriuwer wurket foar Lonely Planet en The Sunday Times.

Aktearkarriêre

Mitra, dy't al fan bern ôf oan as model aktyf wie, waard oan 'e ein fan 'e 1990-er jierren útkeazen om 'e libbene ferpersoanliking te wurden fan it populêre personaazje Lara Croft, út it fideospultsje Tomb Raider. Dat wie foar't aktrise Angelina Jolie dy rol op har naam yn 'e beide Tomb Raider-films (2001 en 2003). Mitra tsjinne as Lara Croft fan 1997 oant 1998, doe't se opfolge waard troch Nell McAndrew. Dêrnei besocht Mitra in karriêre as sjongster fan 'e grûn te krijen, mar dat slagge net.

Mitra hie har earste filmrol as in groupie yn Eddie Izzard: Glorious, út 1997, wylst se al yn 1995 har debút op 'e tillefyzje makke hie yn in ôflevering fan 'e searje Ghost Busters of East Finchley. Yn 1999 wie se mei Chistopher Lambert te sjen yn Beowulf, en datselde jiers krige se in weromkearende rol yn it lêste seizoen fan 'e Amerikaanske dramasearje Party of Five, as Holly Marie Beggins, de geheime leafde fan haadrolspiler Scott Wolf. Fan 2003 ôf spile se twa seizoenen lang Tara Wilson yn 'e rjochtbankdramasearje The Practice en de spin-off dêrfan, Boston Legal. Yn 2004 hie se haadrollen yn 'e film Highwaymen en de minysearje Spartacus, wylst se yn 2005 te sjen wie yn 'e searje Nip/Tuck.

Yn 2008 hie Mitra de haadrol yn 'e science fiction-aksjefilm Doomsday, as majoar Eden Sinclair, wylst se yn 2009 yn 'e fantasyfilm Underworld: Rise of the Lycans it personaazje Sonja spile: de dochter fan 'e machtige fampier Viktor, dy't fereale rekket op in wearwolf. Under de opnamen fan dy lêste film rekke Mitra ferslingere oan it dragen fan har lange fampierhoektosken, dy't se ek ynhold as dat net hoegde om't se op 'e bylden dochs net te sjen wiene. Hja sei: "Ik die dy hoektosken op 'e earste dei yn, en hie it gefoel dat ik se altyd al hawwe moatten hie; hiel nuver. Dat ik hold se yn salang't we mei de film oan 'e gong wiene, by myn dialooch en al."

Rhona Mitra yn 2007.

Mitra spile yn 2010 yn 'e skrillerfilm Stolen, mei û.m. James Van Der Beek. Yn 2012-2013 fertolke se yn it trêde en fjirde seizoen fan 'e aksjesearje Strike Back: Project Dawn de rol fan majoar Rachel Dalton, wêrby't se aktrise Amanda Mealing ferfong. Fan 2014 oant 2015 hie Mitra yn 'e post-apokalyptyske dramasearje The Last Ship de rol fan dokter Rachel Scott. Yn 2017 spile se Charlotte yn it fjirde seizoen fan The Strain. Yn 2018 waard se cast as Mercy Graves yn 'e searje Supergirl.

Diskografy

studio-albums

• 1998 – Come Alive
• 1999 – Female Icon

singles

• 1997 – Getting Naked

Filmografy

Filmografy as aktrise
jier	titel	rol of funksje	opmerkings
tillefyzje
1995	Ghostbusters of East Finchley	Cass	gastrol; ôfl. 1.5
1996	The Bill	Sarah Wickes	gastrol; ôfl. Outer
1997	Lust for Glorious	la Dame Française	tillefyzjefilm
1997	The Man Who Made Husbands Jealous	Flora Seymour	minysearje
1999–2000	Party of Five	Holly Marie Beggins	weromkearende rol; 12 ôfl.
2000	Secret Agent Man	Lacey Sullivan	gastrol; ôfl. Supernaked
2000–2001	Gideon's Crossing	dokter Alejandra Ollie Klein	fêste rol; 20 ôfl.
2003–2004	The Practice	Tara Wilson	fêste rol; 22 ôfl.
2004	Spartacus	Varinia	minysearje
2004	Boston Legal	Tara Wilson	fêste rol; 20 ôfl. nom. Screen Actors Guild Award foar bêste aktrise (2006)
2005	Nip/Tuck	Kit McGraw	weromkearende rol; 5 ôfl.
2010	Stargate Universe	Commander Kiva	weromkearende rol; 3 ôfl.
2010	The Gates	Claire Radcliff	fêste rol; 13 ôfl.
2012	Crisis Point	Cameron Grainger	tillefyzjefilm
2012–2013	Strike Back	majoar Rachel Dalton	fêste rol; 14 ôfl.
2014–2015	The Last Ship	dokter Rachel Scott	fêste rol; 23 ôfl.
2017	The Strain	Charlotte	weromkearende rol; 4 ôfl.
2018	Supergirl	Mercy Graves	weromkearende rol; 4 ôfl.
films
1997	Eddie Izzard: Glorious	groupie	direkt-op-fideo útbrocht
1997	A Kid in Aladdin's Palace	Sjeherazade	direkt-op-fideo útbrocht
1998	Croupier	fanke mei joint
1998	Monk Dawson	Mollie Jolliffe
1999	How to Breed Gibbons	Juliet	koarte film
1999	Beowulf	Kyra
2000	Hollow Man	buorfrou fan Sebastian
2000	Get Carter	Geraldine
2002	Ali G Indahouse	Kate Hedges
2002	Sweet Home Alabama	Tabatha Wadmore-Smith
2003	The Life of David Gale	Berlin
2003	Stuck on You	seksy frommeske op bushalte
2004	Highwaymen	Molly Poole
2006	Skinwalkers	Rachel Talbot
2007	The Number 23	Laura Tollins
2007	Shooter	Alourdes Galindo
2008	Doomsday	Eden Sinclair
2009	Underworld: Rise of the Lycans	Sonja	as ferfangster fan Jázmin Dammak, dy't deselde rol yn 'e earste film spile nom. Scream Award foar bêste aktrise
2009	Separation City	Katrien Becker
2009	Stolen	Barbara Adkins
2010	Reuniting the Rubins	Andie Rubin
2014	The Loft	Allison Vanowen
2016	Hard Target 2	Sofia	direkt-op-fideo útbrocht
2018	Game Over, Man!	Erma
2018	The Fight	Amanda Chadwick
2020	Archive	Simone
2020	Skylines	dr. Mal
2022	The Other Me	Martha
2022	Prisoners of Paradise	Betty
2023	Hounds of War	Caterina Murino
fideospultsjes
1997	Tomb Raider II	Lara Croft	live-actionpromoasjemodel

Keppelings om utens

• (in) Folsleine filmografy fan Rhona Mitra yn 'e Internet Movie Database (IMDb)

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Rhona Mitra fan Wikimedia Commons.