Haringhuizen

	Haringhuizen
	Doarpsstrjitte
	Polityk
Lân	Nederlân
Provinsje	Noard-Hollân
Gemeente	Hollâns Kroan
	Sifers
Ynwennertal	180 (1 jannewaris 2023)
	Oar
Postkoade	2515
Tiidsône	UTC +1
Simmertiid	UTC +2
Koördinaten	52° 49'NB, 4° 49'EL
	Kaart
	;

Haringhuizen is in doarp yn 'e gemeente Hollâns Kroan yn 'e provinsje Noard-Hollân. Iuwenlang hat it al in twillingdoarp west mei Barsingerhorn en ea foarmen de twa doarpen de stêd Barsingerhorn.

Haringhuizen hat 180 ynwenners (1 jannewaris 2023).

Skiednis[bewurkje seksje | boarne bewurkje]

It doarp waard foar it earst neamd doe't Suw fan Harinxhuysen yn 1123 begroeven waard yn 'e muorren fan 'e abdij fan Egmond. It doarp ûnstie doe't it waad súd fan Barsingerhorn yn 'e 12e iuw stadichoan drûchfoel. Nei de bou fan in tsjerke yn 1325 waard it doarp ek wol Nijtsjerk (Niewkerck) neamd. Op 12 maaie 1415 joech greve Willem VI it doarp tegearre mei Barsingerhorn stedsrjochten.

Lang ha de doarpen Barsingerhorn en Haringhuizen in twillingdoarp west. Boargerlike en tsjerklike saken waarden meiïnoar dield. Nei 1815 krige Haringhuizen in eigen dûmny.

De ynfiering fan 'e postkoade yn 1978 brocht Haringhuizen en Barsingerhorn in soad swierrichheden. De doarpen leine 3 km fan inoar, mar hiene deselde siferkombinaasje, itjinge betizing joech by de postbesoarging en helptsjinsten wisten ek de wei net te finen. Guon rûteplanners wiisden de minsken nei it ferkearde doarp. Dat late ta it útstel om de namme Haringhuizen te skrassen en yn in strjitnamme om te setten. Dat late ta ferset ûnder de doarpsbewenners. Lang om let makke de gemeenteried bekend dat de doetiidske gemeente Niedorp 10.000 euro beskikber stelle soe foar de feroaring fan 'e postkoade. It trelit soarge foar lannelik omtinken yn 'e media.