Hollâns Kroan

Lân	Nederlân
Provinsje	Noard-Hollân
Haadplak	Anna Paulowna
Oerflak	662,20 km²
• dêrfan lân	358,09 km²
• dêrfan wetter	304,11 km²
Ynwennertal	49.519 (1 jannewaris 2024)
Befolkingstichtens	141 ynw./km²
Boargemaster	Rian van Dam (PvdA)
Oprjochte	2012
Oant 2012	Anna Paulowna; Niedorp; Wieringen; Wieringermar
Ferkearsier(en)	A7, N99 N239 N240 N241 N242 N248 N249
Netnûmer(s)	0223-0224, 0226-0227
Postkoade(s)	1730-1736, 1760-1761, 1764, 1766-1771, 1773-1779
	www.hollandskroon.nl

Hollâns Kroan
Hollands kroon

Gemeentehûs fan Hollâns Kroan yn Anna Paulowna

Hollâns Kroan (Nederlânsk: Hollands Kroon) is in gemeente yn 'e regio West-Fryslân (foar in part) yn 'e Nederlânske provinsje Noard-Hollân. De gemeente waard op 1 jannewaris 2012 foarme troch de fúzje fan 'e eardere gemeenten Wieringen, Wieringermar, Anna Paulowna en Niedoarp. It gemeentehûs fan Hollâns Kroan stiet yn Anna Paulowna. De gemeente is part fan 'e gearwurkingsregio Noardkop. De gemeente bestiet benammen fan 'e lânbou, lykas feehâlderij, ikkerbou, blombolletylt en glêstúnbou.

Skiednis

Skiednis fan foar it foarmjen fan 'e gemeente

De gemeente beslacht in gebiet dat yn 'e rin fan 'e iuwen ynpoldere waard, nei't it yn 'e midsiuwen foar it grutste part troch de see ferswolgen waard. In part fan it gemeentegbiet wie lange tiid part fan 'e Sudersee, de eardere gemeente Niedorp leit yn 'e Westfryske Ringdyk, wylst Wieringen hiel lang in eilân west hat. Dat eilân krige yn 1432 stedsrjochten. Ek it gebiet yn 'e Westfryske Ringdyk krigen ferskate doarpen stedsrjochten. De doarpen Barsingerhorn en haringhuizen krigen tegearre as stede Basingerhorn stedsrjochten, wylst de stede Niedorp foarme waard torch de doarpen Oude Niedorp en Nieuwe Niedorp. Winkel krige ôfsûnderlik in stedsrjocht yn 1415. Hja wiene part fan in rige plattelânstêden yn West-Fryslân.

Wieringen hold yn it begjin fan 'e 20e iuw op te bestean as eilân, doe't de Wieringermar ynpoldere waard. Fan Wieringen ôf ferbynt de Ofslútdyk de gemeente mei Fryslân. It gemeentegebiet fan Hollâns Kroan is fanâlds rjochte op 'e lân- en túnbou. De blombolletylt om Breesân hinne en 'e grentekassegebiet Agriport A7 by Middenmar yn 'e Wieringermarpolder binne dêr foarbylden fan.

Skiednis fan 'e gemeente

De gemeente ûntstie op 1 jannewaris 2012 by de fúzje fan 'e gemeenten Anna Paulowna, Niedorp, Wieringen en Wieringermar. Op 13 septimber 2011 stimde de Earste Keamer yn mei de fúzjegemeente d♪6r't de gemeente troch ûntstean koe. Op 23 novimber 2011 keazen de ynwenners fan de fjouwer eardere gemeenten by weryndielingsferkiezings de earste gemeenteried fan Hollâns Kroan. De gemeente kaam ferskate kearen yn it lanlik nijs omtrint de rekkensintrums fan Microsoft en Google en de ûnderstelde bestjoerlike mislieding dêromhinne.

Namme fan 'e gemeente

De wurknamme fan d efúzjegemeeente wie ynearsten "Amstelmeer". Dy namme komt fan 'e Amstelmar, om't trije fan de fjouwer gemeenten oan dy mar leine. Lang om let waard besletten in wedstriid út te skriuwen ûnder de ynwenners foar it betinken fan in gemeentenamme. Op 27 april 2010 waard de namme "Hollâns Kroan" buorkundich makke nei't ynwenenrs foarstellen ynstjoerd hiene. De namme komt oerien mei dy fan it eardere wetterskip Hollâns Kroan dat yn 1994 út in fúzje ûntstien wie en yn 2003 yn it wetterskip Hollâns Noarderkertier opgien is.

Plakken

De gemeente bestiet út fjouwer plakken mei histoaryske stedsrjochten: Barsingerhorn, Niedorp, Wieringen en Winkel. De gemeente hat 24 offisjele kearnen en ferskate útbuorrens en buorskippen.
Hjirûnder is in tabel mei plakken en har ynwenners (1 jannewaris 2023)'

Kearn	Ynwenners	Kearn	Ynwenners
Anna Paulowna	8.655	Oosterland	180
Barsingerhorn	915	Oude Niedorp	405
Breesân	3.770	Slootdorp	2.195
Den Oever	2.290	Stroe	95
Haringhuizen	180	Van Ewijcksluis	220
Hippolytushoef	5.070	't Veld	2.260
Kolhorn	1.080	Westerland	780
Kreileroord	595	Wieringerwaard	2.425
Lutjewinkel	780	Wieringerwerf	6.115
Middenmeer	4.290	Winkel	3.505
Nieuwe Niedorp	3.320	Zijdewind	400
Nieuwesluis	105	De Haukes	135

Ferkear en ferfier

Troch de gemeente hinne rint de autosnelwei A7. Autodiken binne de N99, N239, N240, N241, N242, N248 en de N249.

It iennige treinstasjon yn 'e gemeente is Stasjon Anna Paulowna oan it spoar fan De Helder nei Amsterdam.

De gemeente hat twa fleanfjilden:

Fleanfjild Wieringermar by Slootdorp is in sweeffleanfjild
Fleanfjild Middenmeer is in saneamd ultralight fleanfjild, ornearre foar lytse sportfleantugen.

Gemeenteried

De gemeenteried fan Hollâns Kroan bestiet út 29 sitten. Boargemaster is Rian van Dam (PvdA).

Partij	2011	2014	2018	2022
Onafhankelijk Hollands Kroon	-	-	3	8
CDA	5	4	5	5
VVD	8	5	5	4
Senioren Hollands Kroon	4	6	7	4
GroenLinks	1	1	2	2
PvdA	4	3	2	2
LADA & ANDERS!	-	-	-	2
D66	1	1	2	2
KristenUny	1	1	1	-
Lokaal Alternatief Democratie Anders (LADA)	3	6	1	-
ANDERS!	1*	1**	1	-
Partij Vrije Liberalen	1	-	-	-
Totaal	29	29	29	29
Opkomst	40,52%

*: as Progressyf Wieringermar
**: as Progressyf Hollâns Kroan

Keppeling om utens

Hiemside fan 'e gemeente

Boarnen, noaten en referinsjes

Boarnen, noaten en/as referinsjes:

Foar boarnen, sjoch nl:Hollands Kroon

Ofbylden dy't by dit ûnderwerp hearre, binne te finen yn de kategory Hollâns Kroan fan Wikimedia Commons.

	Gemeente Hollâns Kroan
Doarpen: Anna Paulowna • Barsingerhorn • Breesân • Den Oever • Haringhuizen • De Haukes • Hippolytushoef • Kolhorn • Kreileroord • Lutjewinkel • Middenmeer • Nieuwe Niedorp • Nieuwesluis • Oosterland • Oude Niedorp • Slootdorp • Stroe • Van Ewijcksluis • 't Veld • Westerland • Wieringerwaard • Wieringerwerf • Winkel • Zijdewind
Utbuorrens: De Belt • Dam • De Elft • De Gest • De Heid • De Hoelm • Hollebalg • Kleine Sluis • Kreil • Moerbeek • De Normer • Noord-Stroe • Noordburen • Noorderbuurt • Oosterklief • Poolland • Smerp • Vatrop • Verlaat (foar in part) • Westerklief • Zandburen
· ·