Frozen (soundtrack)

Ut Wikipedy
Springe nei navigaasje Springe nei sykjen
Frozen
Frozen Logo Black.svg
algemiene ynformaasje
artyst ferskaat
taal Ingelsk
sjenre popmuzyk
útbrocht 25 novimber 2013
opnommen 2012-2013
doer 69:40
label Walt Disney Records
produsint Kristen Anderson-Lopez, Robert Lopez, Christophe Beck, Chris Montan, Tom MacDougall
resultaten
ferkocht >10 miljoen yn 2014
albumlisten nû. 1 yn Austraalje, Feriene Keninkryk, Feriene Steaten, Ierlân, Japan, Kanada, Nij-Seelân, Sina
nû. 2 yn Itaalje, Nederlân, Súd-Koreä
nû. 3 yn Meksiko, Noarwegen
prizen Grammy Award 2014
sertifisearre sjoch: § Muzyksertifikaasjes

Frozen, folút: Frozen: Original Motion Picture Soundtrack, is de yn 'e foarm fan in album útjûne soundtrack fan 'e Disney-tekenfilmmusical Frozen. De cd befettet tsien orizjinele lieten dy't foar de film skreaun waarden troch Robert Lopez en Kristen Anderson-Lopez, mei dêropta 22 filmmuzykstikken komponearre troch Christophe Beck en Frode Fjellheim. Under de lieten is it mei ferskate wichtige prizen bekroane Let It Go, dat twaris op it album stiet, yn 'e filmferzje songen troch Idina Menzel en yn 'e singleferzje songen troch Demi Lovato. It album waard op 25 novimber 2013 útbrocht troch platemaatskippij Walt Disney Records, trije dagen nei't de film Frozen yn 'e Amerikaanske bioskopen útkaam.

Spyllist[bewurkje seksje | boarne bewurkje]

nû. titel skriuwers songen troch doer opmerkings
1. Frozen Heart Robert Lopez en Kristen Anderson-Lopez cast fan Frozen 1:45
2. Do You Want to Build a Snowman? Robert Lopez en Kristen Anderson-Lopez Kristen Bell, Agatha Lee Monn en Katie Lopez 3.27
3. For the First Time in Forever Robert Lopez en Kristen Anderson-Lopez Kristen Bell en Idina Menzel 3.45
4. Love is an Open Door Robert Lopez en Kristen Anderson-Lopez Kristen Bell en Santino Fontana 2:07
5. Let It Go Robert Lopez en Kristen Anderson-Lopez Idina Menzel 3:44 single, jann. 2014
6. Reindeer(s) Are Better Than People Robert Lopez en Kristen Anderson-Lopez Jonathan Groff 0:50
7. In Summer Robert Lopez en Kristen Anderson-Lopez Josh Gad 1:54
8. For the First Time in Forever (Reprise) Robert Lopez en Kristen Anderson-Lopez Kristen Bell en Idina Menzel 2:30
9. Fixer Upper Robert Lopez en Kristen Anderson-Lopez Maia Wilson en de cast fan Frozen 3:02
10. Let It Go (singleferzje) Robert Lopez en Kristen Anderson-Lopez Demi Lovato 3:47 single, 21 okt. 2013
11. Vuelie Christophe Beck en Frode Fjellheim ynstrumintaal 1:36
12. Elsa and Anna Christophe Beck ynstrumintaal 2:43
13. The Trolls Christophe Beck ynstrumintaal 1:48
14. Coronation Day Christophe Beck ynstrumintaal 1:14
15. Heimr Àrnadalr Christophe Beck ynstrumintaal 1:25
16. Winter's Waltz Christophe Beck ynstrumintaal 1:00
17. Sorcery Christophe Beck ynstrumintaal 3:17
18. Royal Pursuit Christophe Beck ynstrumintaal 1:02
19. Onward and Upward Christophe Beck ynstrumintaal 1:54
20. Wolves Christophe Beck ynstrumintaal 1:44
21. The North Mountain Christophe Beck ynstrumintaal 1:34
22. We Were So Close Christophe Beck ynstrumintaal 1:53
23. Marshmallow Attack! Christophe Beck ynstrumintaal 1:43
24. Conceal, Don't Feel Christophe Beck ynstrumintaal 1:07
25. Only an Act of True Love Christophe Beck ynstrumintaal 1:07
26. Summit Siege Christophe Beck ynstrumintaal 2:32
27. Return to Arendelle Christophe Beck ynstrumintaal 1:38
28. Treason Christophe Beck ynstrumintaal 1:36
29. Some People Are Worth Melting For Christophe Beck ynstrumintaal 2:06
30. Whiteout Christophe Beck ynstrumintaal 4:17
31. The Great Thaw (Vuelie Reprise) Christophe Beck en Frode Fjellheim ynstrumintaal 2:29
32. Epilogue Christophe Beck ynstrumintaal 3:04
totale lingte 69:40

Resultaat[bewurkje seksje | boarne bewurkje]

Albumlisten[bewurkje seksje | boarne bewurkje]

De soundtrack fan Frozen behelle it earste plak yn 'e albumlisten fan Austraalje, it Feriene Keninkryk, de Feriene Steaten, Ierlân, Japan, Kanada, Nij-Seelân en Sina, it twadde plak yn 'e albumlisten fan Itaalje, Nederlân en Súd-Koreä en it trêde plak yn 'e albumlisten fan Meksiko en Noarwegen. Yn 'e Amerikaanske Billboard 200-list stie it album trettjin net opienfolgjende wiken op it earste plak. It wie it fjirde soundtrackalbum fan in animaasjefilm dat ea it earste plak helle hie, en behold dat plak it langst fan alle soundtrackalbums sûnt de soundtrack fan Titanic yn 1998.

Ferkeapsifers[bewurkje seksje | boarne bewurkje]

Yn 2013 wie Frozen it op fjouwer nei bêst ferkeapjende soundtrackalbum yn 'e Feriene Steaten, mei 338.000 ferkochte eksimplaren. Yn 2014 wie Frozen yn 'e Feriene Steaten it bêst ferkeapjende soundtrackalbum fan it jier, doe't goed 3.527.000 eksimplaren oer de toanbank giene. Yn Kanada waarden datselde jier nochris 226.000 eksimplaren ferkocht, en wrâldwiid waarden allinnich al yn 2014 mear as 10 miljoen eksimplaren fan it soundtrackalbum ferkocht. Dêrmei wie it it bêst ferkeapjende album fan it jier.

Muzyksertifikaasjes[bewurkje seksje | boarne bewurkje]

Frozen behelle de folgjende sertifikaten fan muzykferkeap:

Prizen[bewurkje seksje | boarne bewurkje]

By de Grammy Awards fan 2014 waard de soundtrack fan Frozen nominearre yn twa kategoryen: bêste kompilaasjesoundtrack foar fisuele media, en bêste filmmuzyksoundtrack foar fisuele media, wêrfoar't beide kearen de ear nei komponist Christophe Beck gie. It album wûn de priis foar bêste kompilaasjesoundtrack foar fisuele media. Dêrnjonken waard it liet Let It Go, skreaun troch Robert Lopez en Kristen Anderson-Lopez en songen troch Idina Menzel, bekroane mei in Grammy foar bêste liet skreaun foar fisuele media. Dat liet wûn dat jiers ek sawol de Oscar as de Golden Globe foar bêste orizjinele liet en waard nominearre foar de Critics' Choice Award foar bêste liet.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.