Erika Alexander

Ut Wikipedy
Springe nei navigaasje Springe nei sykjen
Erika Alexander
Filmklapper.png akteur
Erika Alexander yn 2012.
Erika Alexander yn 2012.
persoanlike bysûnderheden
echte namme Erika Rose Alexander
nasjonaliteit Flag of the United States.svg Amerikaansk
berne 19 novimber 1969
berteplak Winslow (Arizona)
etnisiteit Flag of the UNIA.svg Afro-Amerikaansk
jierren aktyf 1986 – no
prizen NAACP Image Award
offisjele webside
www.erikaalexander.com

Erika Alexander (folút: Erika Rose Alexander; Winslow (Arizona), 19 novimber 1969) is in Amerikaansk tillefyzje- en filmaktrise fan Afro-Amerikaansk etnysk komôf. Hja is it bekendst wurden mei rollen yn 'e komeedzjesearjes The Cosby Show, Living Single en Last Man Standing.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Alexander waard yn 1969 berne yn Winslow, yn 'e Amerikaanske steat Arizona, as de dochter fan Shaun Alexander, in ûnderwizer, en dy syn frou Sammie, in berneboekeskriuwster. Se wie ien fan seis bern yn 'e húshâlding fan har âlden. Alexander brocht har iere jonkheid troch yn Flagstaff, yn Arizona, oant it gesin yn 1980, doe't se alve jier wie, ferhuze nei Philadelphia, yn Pennsylvania, dêr't se de middelbere skoalle trochrûn.

Aktearkarriêre[bewurkje seksje | boarne bewurkje]

Yn 1986, doe't se santjin jier wie, sette Alexander útein mei in karriêre as aktrise. Op 'e tillefyzje makke se dat jiers har debút mei in lyts roltsje yn 'e tillefyzjefilm George Washington II: The Forging of a Nation, wylst se op it wite doek te sjen wie mei lytse byrol yn 'e spylfilm My Little Girl. Yn 1989 hie se in rol yn 'e minysearje The Mahabharata, oer it epysk gedicht út it hindoeïsme mei deselde namme, en yn 1990 wie se te sjen yn 'e film oer de Amerikaanske boargerrjochtebeweging The Long Walk Home, mei û.o. Whoopi Goldberg. Ek hie se datselde jiers in gastrol yn 'e plysjesearje Law & Order.

Alexander briek yn 1990 troch as Pam Tucker yn 'e tige populêre komeedzjesearje The Cosby Show. Dat wie in weromkearende rol dy't se oant 1992 yn 21 ôfleverings fertolke. Neitiid hie se yn 1992 en 1993 yn 'e tillefyzjesearje Going to Extremes yn 17 ôfleverings in weromkearende rol as Cheryl Carter. Yn dyselde snuorje wie se ek te sjen yn 'e films He Said, She Said (1991) en Fathers & Sons (1992).

Yn 'e Feriene Steaten waard Alexander it bekendste mei de fêste rol dy't se fan 1993 oant 1998 hie as de skerptongige abbekate Maxine "Max" Shaw yn 'e komeedzjesearje Living Single. Foar dy rol wûn se ferskate prizen, wêrûnder twaris (yn 1996 en 1998) de NAACP Image Award yn 'e kategory treflike aktrise yn in komeedzjesearje. Fan 2002 oant 2003 hie Alexander twa seizoenen lang de fêste rol fan reklassearringsamtner Dee Mulhern yn 'e searje Street Time. Fierders wie se op it wite doek te sjen yn û.m. 30 Years to Life (2001), Full Frontal (2002), en Brave New Jersey (2016). Yn 2009 hie se yn 'e film La Mission akteur Benjamin Bratt as tsjinspiler. Fierders spile se yn 2006 yn 'e science fiction-film Déjà Vu, mei Denzel Washington, en yn 2017 fertolke se de rol fan resjersjeur Latoya yn 'e goed ûntfongen horrorfilm Get Out.

Alexander spile ek yn 'e minysearje Mama Flora's Family (1998), en se wurke mei oan 'e fideoklip fan it nûmer You're Makin' Me High, fan sjongster Toni Braxton. As stimaktrise wie se belutsen by twa ôfleverings fan 'e tekenfilmsearje The Zeta Project. Se hie gastrollen yn plysjesearjes as Law & Order: SVU (2004), CSI: Crime Scene Investigation (2007), CSI: Miami (2007), Criminal Minds (2009) en NCIS: New Orleans (2014), yn 'e sikehûssearjes ER (2006), House (2011) en Grey's Anamtomy (2015) en yn 'e dramasearje Suits (2012). Weromkearende rollen fertolke Alexander yn û.m. searjes as Judging Amy (2001), Low Winter Sun (2013) en Beyond (2017).

Fan 2012 oant 2015 hie Alexander ien fan har bekendste rollen yn 'e komeedzjesearje Last Man Standing, as Carol Larabee, de Afro-Amerikaanske buorfrou fan Vanessa Baxter (spile troch Nancy Travis), dy't it oanhâldend nedich fynt om te bewizen dat se net rasistysk is, mei stiiffêst as gefolch dat se wol deeglik sa oerkomt. Fan 2016 oant 2017 spile Alexander de rol fan Constance Irving yn seizoen 2 fan 'e dramarige Bosch. Ek hie se weromkearende rollen yn 'e dramasearje Queen Sugar (2016), de fantasytillefyzjesearje Beyond (2017-2018) en de superheldesearje Black Lightning (2019). Letter yn 2019 spile se yn 'e dramasearje Wu-Tang: An American Saga.

Skriuwkarriêre[bewurkje seksje | boarne bewurkje]

Alexander skreau yn 2012 mei har doetiidske man Tony Puryear de grafyske roman fan it science fiction-sjenre Concrete Park. Yn 2018 skreau se tegearre mei tillefyzjeprodusint Joss Whedon it alfde seizoen fan 'e Buffy the Vampire Slayer-strip Giles.

Priveelibben[bewurkje seksje | boarne bewurkje]

Fan 1997 oant 2017 wie Alexander troud mei senarioskriuwer en keunstner Tony Puryear. Under de foarferkiezings fan 'e Amerikaanske presidintsferkiezings fan 2008 fierde Alexander aktyf kampanje foar Hillary Clinton en reizge se mei Chelsea Clinton de kampussen fan Amerikaanske universiteiten ôf. Alexander is ek ien fan 'e oprjochters (mei Ben Arnon) fan Color Farm Media, in entertainmentbedriuw dat maatskiplik belutsen wêze wol. Yn 2020 brocht dat de tige goed ûntfongen dokumintêre John Lewis: Good Trouble út, oer de Afro-Amerikaanske minskerjochte-aktivist John Lewis.

Filmografy[bewurkje seksje | boarne bewurkje]

Filmografy as aktrise
jier titel rol of funksje opmerkings
tillefyzje
1986 ABC Afterschool Special ? ôfl. Teen Father
1986 George Washington II: The Forging of a Nation    Oney tillefyzjefilm
1989 The Mahabharata Madri / Hidimbaa minysearje
1990 Common Ground Cassandra Twymon minysearje
1990 Law & Order Doris Carver gastrol; ôfl. Poison Ivy
1990 The Last Best Year Amy tillefyzjefilm
1990–1992 The Cosby Show Pam Tucker fêste rol yn seizoen 7–8
1992–1993 Going to Extremes Cheryl Carter fêste rol
1993–1998 Living Single Maxine "Max" Shaw fêste rol
1994 Override ? tillefyzjefilm
1998 Mama Flora's Family de jonge Flora minysearje
1999 KnitWits Revisited Amina tillefyzjefilm
2001 The Zeta Project aginte Rush as stimaktrise; gastrol; 2 ôfl.
2001 Judging Amy Fran Winston weromkearende rol yn seizoen 2–3
2002–2003 Street Time Dee Mulhern fêste rol
2004 Law & Order: Special Victims Unit Kema Mabuda gastrol; ôfl. Ritual
2004 LAX Allison gastrol; ôfl. Thanksgiving
2005 Half & Half Maxine "Max" Shaw gastrol; ôfl. The Big Performance Anxiety Episode
2005 7th Heaven Lynn Miles gastrol; ôfl. Leaps of Faith
2006 In Justice Alyssa Hill gastrol; ôfl. The Ten Percenter
2006 Heist Saundra Johnson weromkearende rol
2006 ER Vatima Abika gastrol; ôfl. No Place to Hide
2006 Sixty Minute Man Jane tillefyzjefilm
2007 Side Order of Life Colette gastrol; ôfl. Pilot
2007 CSI: Crime Scene Investigation assistint-ofsier fan justysje Kirkson gastrol; ôfl. The Case of the Cross-Dressing Carp
2007 Numb3rs U.S. marshal Tricia Yaegger gastrol; ôfl. In Security
2007 CSI: Miami Tanya Thorpe gastrol; ôfl. Guerillas in the Mist
2009 Criminal Minds resjersjeur Lynne Henderson gastrol; ôfl. The Big Wheel
2010 In Plain Sight Theresa Simmons weromkearende rol yn seizoen 3
2011 House frou Fields gastrol; ôfl. Two Stories
2012 Suburgatory Gloria gastrol; ôfl. The Motherload
2012 Suits Sarah Leighton gastrol; ôfl. Discovery
2012–2015 Last Man Standing Carol Larabee weromkearende rol yn seizoen 2–5
2013 Low Winter Sun Louise "L.C." Cullen weromkearende rol
2014 Let's Stay Together Blanche weromkearende rol yn seizoen 4
2014 NCIS: New Orleans kaptein-luitenant-op-see Louanne Bates    gastrol; ôfl. Carrier
2015 Grey's Anatomy Johanna McKay gastrol; ôfl. Crazy Love
2015 Faux Show Linda tillefyzjefilm
2016 Recovery Road mem fan Trish gastrol; ôfl. My Loose Thread
2016 Queen Sugar LeAnne weromkearende rol; 2 ôfl.
2016–2017 Bosch Connie Irving weromkearende rol yn seizoen 2–3
2017–2018 Beyond Tess Shoemaker weromkearende rol
2018 Insecure Yolanda weromkearende rol yn seizoen 3
2018–2019 Black Lightning Perenna weromkearende rol yn seizoen 2
2019–2020 Wu-Tang: An American Saga Linda Diggs fêste rol
2021 Run the World Barb weromkearende rol
films
1986 My Little Girl Joan
1990 The Long Walk Home Selma Cotter
1991 He Said, She Said Rita
1992 Fathers & Sons Venell
1998 54 Ciel
2001 30 Years to Life Joy
2002 Love Liza Brenda
2002 Full Frontal Lucy
2004 Tricks Laurel
2006 Déjà Vu Shanti
2009 La Mission Lena
2014 Elsa & Fred Laverne
2014 Secrets of the Magic City frou Fletcher
2016 Undone Andrea Rose koarte film
2016 Brave New Jersey Helen Holbrook
2017 Get Out resjersjeur Latoya
2019 I See You luitenant Moriah Davis
202? American Refugee

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.