Enklave

In enklave is gebiet dat gâns binnen it eigen gebiet fan in oare partij leit. Guon enklaves binne ûnôfhinklik, lykas San Marino, in enklave yn Itaalje. Oare enklaves hearre ta in oar lân, en binne dêrmei ek eksklaves, lykas Busingen, in enklave yn Switserlân dy't in eksklave fan Dútslân is.

Kust as grins

Somtiden wurdt it begryp beheind troch territoriale wetters út te sluten as mooglike grins. Oarsom wurdt it ek wol útwreide mei dy gefallen dêr't it omsletten land al in kust hat, mar dy mar koart is, yn fergelyk mei dy fan it omslettende lân. Bygelyks, Monako hat syn eigen territoriale wetters, dy't net troch de Franske omsletten wurde. Mar de kust fan Monako is folle koarter as dy fan Frankryk, dat Monako wurdt somtiden doch sjoen as in enklave fan Frankryk.

Tapassings

It begryp wurdt meastal brûkt foar steaten, mar kin ek oars tapast wurde: de gemeente Frjentsjer wie yn de 19e iuw in enklave yn de gemeente Frjentsjerteradiel. Ek wurdt it begryp brûkt foar bygelyks in gebiet mei in oar leauwen as yn it omlizzende gebiet, of mei inwenners fan in oar etnysk of kultureel komôf. Ek foar fakânsjeoarden mei in grut tal fakânsjegongers fan ien nasjonaliteit wurdt wol sprutsen fan in enklave.

Binnen-enklaves

Yn guon gefallen lizze yn enklaves wer oare enklaves, binnen-enklaves. De ienichste binnen-binnen-enklave is in Yndyske enklave yn in Bangladeeske enklave yn in Yndyske enklave yn Banglades.

Ynternationale enklaves

Baarle-Hartoch - Belgje yn Nederlân (22 enklaves).
Baarle-Nassau - Nederlân yn Belgje (1 enklave en 7 binnen-enklaves).
Barak - Kirgyzje yn Oezbekistan (1 as mear enklaven).
Barkudarly - Azerbeidzjan yn Armeenje.
Baskend - Armeenje yn Azerbeidzjan.
Britsk Syprus - Grut-Brittanje yn Syprus (2 kust-enklaves).
Brûnei - yn Maleizje (kust-enklave).
Busingen - Dútslân yn Switserlân.

Campione - Itaalje yn Switserlân.
Ceuta - Spanje yn Marokko (mooglik allinnich in kust-enklave).
Chizumulu - Malawy yn Mozambyk (eilân-enklave).

Dekelia Energiesentrale - Syprus yn Grut-Brittanje (2 enklaves).

Fatikaanstêd - yn Itaalje.
Foruk - Tadzjikistan yn Kirgyzje.

Gambia - yn Senegal (kust-enklave).

Juksari Askipara - Azerbeidzjan yn Armeenje.

Kairagach Tadzjikistan yn Kirgyzje.
Kalacha - Oezbekistan yn Kirgyzje.
Kalmion - Oezbekistan yn Kirgyzje.
Karki - Azerbeidzjan yn Armeenje.
Koetsjbehar - Yndia yn Banglades (104 enklaves, 2 binnen-enklaves en 1 binnen-binnen-enklave).
Ksylotimbou - Syprus yn Grut-Brittanje.

Lesoto - yn Súd-Afrika.
Likoma Eilân - Malawy yn Mozambyk (eilân-enklave).
Livia - Spanje yn Frankryk.

Mada - Oman yn de Feriene Arabyske Emiraten.
Martin Garcia Eilân - Argentynje yn Urûguay.
Melilla - Spanje yn Marokko (mooglik allinnich in kust-enklave).
Monako - yn Frankryk (kust-enklave).
Munsterbildchen - Dútslân yn Belgje.
Mützenich - Dútslân yn Belgje.

Nagorno-Karabach - yn Azerbeidzjan.
Nava - Feriene Arabyske Emiraten yn Oman (binnen-enklave yn Mada).

Okusi - East Timor yn Yndoneezje (mooglik allinnich in kust-enklave).
Ormidia - Syprus yn Grut-Brittanje.

Palanka - Moldaavje yn Oekraïne.

Rangpur - Banglades yn Yndia (71 enklaves en 21 binnen-enklaves).
Rötgener Wald - Dútslân yn Belgje.
Rückschlag - Dútslân yn Belgje.
Ruitzhof - Dútslân yn Belgje.

San Kovo - Ruslân yn Wyt-Ruslân.
San Marino - yn Itaalje.
Sarvan - Tadzjikistan yn Oezbekistan.
Sastavsi - Bosnje yn Servje-Montenegro.
Sjakimardan - Oezbekistan yn Kirgyzje.
Sok - Oezbekistan yn Kirgyzje.
It Suvorovmonumint - Ruslân yn Switserlân.

Tatly - Azerbeidzjan yn Armeenje (2 enklaves).

Keppeling om utens

Wikiwurdboek-side - enklave