Enklave

Ut Wikipedy
Gean nei: navigaasje, sykje

In enklave is gebiet dat gâns binnen it eigen gebiet fan in oare partij leit. Guon enklaves binne ûnôfhinklik, lykas San Marino, in enklave yn Itaalje. Oare enklaves hearre ta in oar lân, en binne dêrmei ek eksklaves, lykas Busingen, in enklave yn Switserlân dy't in eksklave fan Dútslân is.

Kust as grins[bewurkje seksje | edit source]

Somtiden wurdt it begryp beheind troch territoriale wetters út te slúten as mooglike grins. Oarsom wurdt it ek wol útwreide mei dy gefallen dêr't it omsletten land al in kust hat, mar dy mar koart is, yn fergelyk mei dy fan it omslettende lân. Bygelyks, Monako hat syn eigen territoriale wetters, dy't net troch de Franske omsletten wurde. Mar de kust fan Monako is folle koarter as dy fan Frankryk, dat Monako wurdt somtiden doch sjoen as in enklave fan Frankryk.

Tapassings[bewurkje seksje | edit source]

It begryp wurdt meastal brûkt foar steaten, mar kin ek oars tapast wurde: de gemeente Frjentsjer wie yn de 19e ieu in enklave yn de gemeente Frjentsjerteradiel. Ek wurdt it begryp brûkt foar bygelyks in gebied mei in oar leauwen as yn it omlizzende gebiet, of mei inwenners fan in oar etnysk of kultureel komôf. Ek foar fakânsjeoarden mei in grut tal fakânsjegongers fan ien nasjonaliteit wurdt wol sprutsen fan in enklave.

Binnen-enklaves[bewurkje seksje | edit source]

Yn guon gefallen lizze yn enklaves wer oare enklaves, binnen-enklaves. De ienichste binnen-binnen-enklave is in Yndyske enklave yn in Bangladeeske enklave yn in Yndyske enklave yn Banglades.

Ynternationale enklaves[bewurkje seksje | edit source]

  • Kairagach Tadzjikistan yn Kirgyzje.
  • Kalacha - Oezbekistan yn Kirgyzje.
  • Kalmion - Oezbekistan yn Kirgyzje.
  • Karki - Azerbeidzjan yn Armeenje.
  • Koetsjbehar - Yndia yn Banglades (104 enklaves, 2 binnen-enklaves en 1 binnen-binnen-enklave).
  • Ksylotimbou - Syprus yn Grut-Brittanje.
  • Tatly - Azerbeidzjan yn Armeenje (2 enklaves).

Keppeling om utens[bewurkje seksje | edit source]