Lesoto

Muso oa Lesotho (Sesoto)
Kingdom of Lesotho (Ingelsk)

Flagge Wapen
Offisjele taal	Ingelsk, Sesoto
Haadstêd	Maseru
Steatsfoarm	Monargy
Gebiet % wetter	30.355 km² -­%
Ynwenners (2006)	2.128.180
Munt	loti, rand (LSR, ZAR)
Tiidsône	UTC +2
Nasjonale feestdei	4 oktober
Lânkoade	LES
Ynternet	.ls
Tillefoan	266

Lesoto, eartiids Basutolân, is in lân dat folslein begrinzge wurdt troch Súd-Afrika. Op 4 oktober 1966 waard it ûnôfhinklik fan Grut-Brittanje en is hjoed-de-dei lid fan de Afrikaanske Uny.

Geografy

In berchdoarp yn Lesoto

It leechste punt fan Lesoto leit om de 1400 meter, 80% fan it lân leit boppe de 1,800 meter. Lesoto is it iennichste lân op 'e wrâld dat folslein boppe 1.000 meter hichte leit. Der binne twa rivieren, de Oranje- of Senqurivier en de Makhalengrivier.

Beammen en strewelleguod komme amper foar yn Lesoto. Gerssavannen en berchgreiden binne de oerhearskjende foarmen fan fegetaasje.

Skiednis

Yn de 19e iuw ûntstie it keninkryk fan de Basoto, dat nei it Britsk koloniale tiidrek yn 1966 selsstannich waard. Sûnt 1993 is Lesoto in konstitúsjonele monargy. Wichtich foar it lân is de nauwe relaasje mei Súd-Afrika.

Demografy

Befolking

Lesoto hat in befolking fan goed 2.067.000. Likernôch 25% wennet yn stedse gebieten, de oare 75% benammen op it plattelân. Lykwols nimt de befolking yn de stêden alle jierren mei 3,5% ta. De befolkingstichtens yn de heechlannen is leger as yn de westlike leechlannen.

Etnyske kloften en talen

De etnysk-linguïstyske struktuer fan Lesoto bestiet sawat folslein út Basoto, in Bantû-sprekkende folk: nei skatting 99,7% fan de minsken binne te identifisearen as Basoto. Oare etnyske kloften binne Jeropeanen en Sinezen. De Basoto falle bestien út ferskillende subkloften (stammen), û.o. Bakuena (Kuena), Batloung (de Tlou), Baphuthi (de Phuti), Bafokeng, Bataung (de Tau), Batšoeneng (de Tšoene), Matebele, ensfh.

De wichtichste taal is Sesoto (of Soto) dat mei it Ingelsk is de offisjele talen fan it lân binne.

Religy

De religy fan de Lesoto befolking wurdt skatten op likernôch 90% kristenen. De oare 10% fan de befolking binne moslims, hindoes, boedisten en Baha'i-folgelingen.

Distrikten

Lesoto is administratyf yndield yn distrikten, mei de distriktsjef as polityk lieder. De haadplakken fan de distrikten wurde camptowns neamd. Meiïnoar binne der tsien distrikten.

Namme	Haadplak	Oerflak (km²)	Ynwennertal (2001)
Berea	Teyateyaneng	2.222	300.557
Butha-Buthe	Butha-Buthe	1.767	126.948
Leribe	Hlotse	2.828	362.339
Mafeteng	Mafeteng	2.119	238.946
Maseru	Maseru	4.279	477.599
Mohales Hoek	Mohales Hoek	3.530	206.842
Mokhotlong	Mokhotlong	4.075	89.705
Qacha's Nek	Qacha's Nek	2.349	80.323
Quthing	Quthing	2.916	140.641
Thaba-Tseka	Thaba-Tseka	4.270	133.680