Krummhörn

Krummhörn is in gemeente yn de Dútske dielsteat Nedersaksen mei in oerflak fan 159 kante kilometer. Bestjoerlik heart de gemeente by it distrikt Aurich. Krummhörn leit yn East-Fryslân. De gemeente hat sa'n 13.053 ynwenners.

Histoarysk-geografysk is it gea tusken Greetsiel en Oldersum bekend as Krummhörn. Dat betsjut dat de krite de hjoeddeiske gemeenten Krummhörn, Hinte, Emden en parten fan Moormerland omfiemet.

Skiednis

De gemeente Krummhörn is yn 1972 ûntstien út in gemeentlike weryndieling; 19 ûnôfhinklike gemeenten binne doe gearfoege.

Namme

De namme Krummhörn betsjut krûme hoeke (Krûmharne).

Polityk

Gemeenteried

De gemeenteried bestiet út 31 sitten, plus de sit foar de keazen boargemaster, dy't ek riedslid is. Gearstalling:

Partij	Sitten
SPD	17
CDU/fbl	7
RFK/KLG	5
Unôfhinklike leden	2
Boargemaster	1 (fan rjochtswegen)

(Boarne: riedsferkiezings 9 septimber 2001)

Bestjoerlik yndieling

De gemeente Krummhörn bestiet út 19 doarpen:

Campen (536)
Canum (292)
Eilsum (618)
Freepsum (437)
Greetsiel (1534)
Grimersum (658)
Groothusen (474)

Hamswehrum (505)
Jennelt (375)
Loquard (670)
Manslagt (418)
Pewsum, Haadplak fan de gemeente (3352)
Pilsum (603)
Rysum (748)

Upleward (400)
Uttum (516)
Visquard (735)
Woltzeten (193)
Woquard (184)

Ferneamde persoanen

Ubbo Emmius, gelearde en earste Rector Magnificus fan de Akademy te Grins, komt út Greetsiel
De famylje fan Ub Iwerks komt oarspronklik út Uttum

Keppeling om utens

Webside fan de gemeente

Wikimedia Commons

Ofbylden dy't by dit ûnderwerp hearre, binne te finen yn de kategory Krummhörn fan Wikimedia Commons.