Brukteren

Ut Wikipedy
Gean nei: navigaasje, sykje
Gebiet Bukteren middenlinks yn't read, ± 50
Germaanske folken om 150 hinne

De Brukteren (Latyn: Bructeri of Boructuari) wiene in West-Germaanske stam, dy't tahâlde yn it gebiet dat no Münsterland is, besuden it Teutoburger Wâld, fan sa'n 100 f. Kr. oant 350 nei Kristus. Letter is de stam opgien yn it gruttere Frankyske stamferbân.

Oer de Buktere is bekend dat sy yn'e mande mei Sjerusken, Ampsivaren en oaren de Romeinske generaal Farus fersloegen yn de ferneamde slach yn it Teutoburger Wâld yn it jier 9 nei Kr. De Brukteryske profetesse Veleda stie yn heech oansjen by har stam. Neffens Tasitus foarsei sy de oerwinning fan de Bataven laat troch Julius Civilis yn harren opstân tsjin de Romeinen. It bêste plak om feiten oer de Bukteren te finen is yn Soest (Westfalen). De namme fan it doarp Brochterbeck (distrikt Steinfurt) hat hat syn oarsprong yn de stamnamme fan de Bukteren.

Neffens Tasitus (35) hat de Germaanske stam Chamaven it gebiet fan de Bukteren oernaam.

pulsis Bructeris ac penitus excisis vicinarum consensu nationum...
de Brukteren binne ferjage en benei útroege by in kriich mei buorstammen.

Dochs wurdt der letter noch sprutsen fan de Bukteren. Ut begjin 4e ieu binne de Brukterske foarsten Ascaricus en Merogaisus bekend. Yn 307 waard har stam ferslein troch Konstantyn. De finzennommen foarsten liet er yn de arena fan Trier foar de wylde bisten smite.
Op de Peutingerkaart (3e/4e ieu nei Kr.) waarden de Burcturi neamd yn it gebiet rjochts fan de Ryn foar de stêden Bonn en Keulen oer.

In legerienheid fan de Bructeri yn Romeinske tsjinst wurdt neamd yn de Notitia Dignitatum út it earste fearnspart fan de 5e ieu nei Kr..

Sjoch ek[bewurkje seksje | edit source]

  • Valuas, legindaryske oanfierder fan de Brukteren

Boarne[bewurkje seksje | edit source]

Germaanske folken
Cultures, 1200 BC.PNG
Allemannen · Ambroanen · Ampsivaren · Angelen · Angrivaarjers · Asdingen · Bajuwaren · Bataven · Boergonden · Brukteren · Chasuarii · Dulgubnii · Fandalen · Fangionen · Fisigoaten · Fosy · Franken · Frisii · Gepiden · Goaten · Harii · Helisjers · Hermunduren · Herulen · Juten · Kananefaten · Kimbren · Kwaden · Lakringen · Langobarden · Lemovjers · Lugjers · Manimjers · Markomannen · Marobudui · Mattiakken · Naharvalen · Nemeten · Nervjers · Ostrogoaten · Rugjers · Saksen · Semnonen · Silingen · Sitones · Sjamaven · Sjatten · Sjauken · Sjerusken · Skiren · Sueben · Sugambren · Suiones · Tenkteren · Teutoanen · Toksandrjers · Trevery · Triboken · Tubanten · Tudry · Ubjers · Usipeten · Volcae · Warnen
feroarje