Stedhûs fan Frjentsjer

	Stedhûs fan Frjentsjer
	bouwurk
	lokaasje
plak	Frjentsjer
adres	Riedhûsplein
koördinaten	53° 11' N 5° 32' E
	bysûnderheden
boustyl	1591-1594
monumintale status	Ryksmonumint
monumintnûmer	15724
	kaart
	;

It Stedhûs fan Frjentsjer is in stedhûs oan it Riedhûsplein yn 'e Fryske stêd Frjentsjer, dat boud is yn 'e styl fan 'e renêssânse.

De earste stien waard op 24 juny 1591 lein en nei in bouperioade fan trije jier kaam it stedhûs yn 1594 ree.

Oarspronklik hie it stedhûs in L-foarmige plattegrûn. In lyts diel oan it Noard waard yn 1760 ôfbrutsen en ferfongen troch in lange fleugel ûnder in sealtek. Mei de klokketoer en de trepgevels en de mei natoerstien fersierde gevels foarmet it gebou in byldbepalend ryksmonumint.^[1]

Boppe de haadyngong is it Wapen fan Fryslân ôfbylde. Yn 'e glês yn lead-ramen fan 'e earste ferdjipping binne 27 wapenskylden ferwurke.

It stedhûs stiet yn de Top 100 fan de Nederlânske UNESCO-monuminten. Dêrfan stean der trije yn Fryslân. De oare beide binne it planetarium fan Eise Eisinga, ek yn Frjentsjer, en it yr. D.F. Woudagemaal by De Lemmer.

The Dutch House yn Brookline (Massachusetts) yn 'e Feriene Steaten stiet in replika dy't foar in part nei it Frjentserter stedhûs boud waard en dy stiet op it Amerikaanske Nasjonaal Register fan Histoaryske Plakken.