Stedhûs fan Harns

	Stedhûs fan Harns
	bouwurk
	Stedhûs fan Harns
	lokaasje
lân	Nederlân
provinsje	Fryslân
plak	Harns
adres	Noarderhaven 86
koördinaten	53° 10' 31" N 5° 25' 6"E
	bysûnderheden
type bouwurk	stedhûs
boujier	1730
boustyl	Loadewyk XIV-styl
monumintale status	ryksmonumint
monumintnûmer	20598
	Stedhûstoer
	kaart
	;

It Stedhûs fan Harns is in stedhûs en ryksmonumint yn Harns.

Skiednis

It stedhûs waard yn 1730 troch stedstimmerman H.J. Norel boud yn Loadewyk XIV-styl. Yn 1757 wie der in útwreiding. It gebou stiet oan de súdkant fan de Noarderhaven foar in brêge oer. Oan de foarkant hat de gevel in balkon en in fergoude byld fan Michael, de beskermhillige fan de stêd Harns. It byld waard makke troch Gerbrandus van der Haven.

Oan de efterkant is in toer dy't yn 1933 foar it grutste part fannijs fernijd. Yn 1975 waard de toer nei in brân yn 1974 weropboud. De toer hat in gevelstien (út de eardere Westertsjerke) mei in ôfbyld fan de aartsingel Michael en klokken fan ûnder oaren Jacob Noteman en Petrus Overney.

It gebou, mei in riedseal, trouseal, boargemasterkeamer en in keamer foar de gemeentesiktaris, is te besjen. Yn de boargemasterkeamer is der in skoarstienstik mei in foarstelling fan Aeneas en Anchises. Yn de âlde trouseal bnne bynliste behangskilderings mei stedsgesichten, troch Nicolaas Baur skildere. Dy skilderings hearden ynearsten net by it ynterieur fan it stedhûs, mar komme út in wente yn de stêd wei. Yn dy seal is der ek in 18e-iuwske skoarstienstik útfierd as grisaille.