Sint-Willibrordustsjerke (Holwert)

Ut Wikipedy
Jump to navigation Jump to search
Monumentenbordje 2014.svg
Sint-Willibrordustsjerke yn 2010

De Sint-Willibrordustsjerke is in monumintale tsjerke yn Holwert. De tsjerke stiet op in apart oanlein tsjerketerp.

Skiednis[bewurkje seksje | boarne bewurkje]

De toer fan de Sint-Willibrordustsjerke fan Holwert anno 2010

De tsjerke waard yn de jierren 1775 - 1778 boud as ferfanging fan in âldere tsjerke, dy't deselde namme hie, dy âlde tsjerke wie foar dy tiid ôfbrutsen. De tsjerke, yn Loadewyk XVI-styl, is ûntwurpen troch de stêdsboumaster fan Harns, Willem Douwes. De tsjerke en de toer steane op ien foar de tsjerke oanleine terpen. Dy terp lei oarspronklik bûtendyks en kaam nei de oanlis fan in nije seedyk yn 1562 binnendyks te lizzen. Yn de tiid dêrnei waard it gebiet ten noarden fan de tsjerke ynpoldere. Dy ynpoldering yn 1580-1584 stiet fermeld op in betinkstien mei in Latynske tekst yn de tsjerke, dêr is in kopy fan op de bûtenmuorre oanbrocht. De plattegrûn fan de tsjerke is L-foarmich, as it wiere in heale krúsfoarm. De tsjerke is erkend as in selsstannich ryskmonumint en waard yn de jierren 1968 en yn 2001 en 2000 restaurearre. Eigner fan de tsjerke is de Stifting Alde Fryske Tsjerken.

De preekstoel yn de tsjerke komt út 1778 en is makke fan byldsnijwurk dat yn rokokostyl foarsjoen is troch de houtsnijer Yge Rintjes út Dokkum. It oargel datearret út 1852 en is ien fan de grutste tsjerke-oargels fan Fryslân. Yn de tsjerke befine har de grêfsarken fan ferskate aadlike Fryske famyljes.

Toer[bewurkje seksje | boarne bewurkje]

De gemeente Dongeradiel is eigner fan de tsjerketoer. De toer is âlder as de tsjerke en waard nei alle gedachten yn it begjin fan de 17e iuw boud. (De stifting monumintebehâld Dongeriel nimt dêrfoaroer it jier 1739, as jier dêr't de toerspits yn ferpleatst waard.) Yn 1661 waard it sealdak fan de toer ferfongen troch in toerspits. De toer die dêrneist tsjinst as fjoerbaak foar de skippen op de Waadsee. Underyn de toer wie in finzenis. Ek wie der by de toer in tolhikke te finen foar it fear nei It Amelân.


Boarnen, noaten en referinsjes[boarne bewurkje]

Boarnen, noaten en/as referinsjes: