Schermerhorn
| Schermerhorn | ||
| ||
| Emblemen | ||
 
| ||
| Bestjoer | ||
| provinsje |  Noard-Hollân
| |
| gemeente |  Alkmar
| |
| Sifers | ||
| Ynwennertal | 1.260 (1 jannewaris 2023) | |
| Oerflak | 6,3 km², wêrfan: - lân 5,84 km² - wetter 0,46 km² | |
| Oar | ||
| Koördinaten | 52° 36 'NB, 4° 53 'EL | |
| Kaart | ||
  | ||
Schermerhorn is in doarp yn 'e Noard-Hollânske gemeente Alkmar.
It doarp hat 1.260 ynwenners (1 jannewaris 2023).
Skiednis
[bewurkje seksje | boarne bewurkje]It doarp leit op wat ea in eilân wie, dat om 1100 hinne ûnstie nei't it fean fan 'e wat no de Beemster en Skermer polders binne, fuortspoeld wie. In part fan it eilân waard bedike en it doarp waard benammen op dy dyk boud. It diel dat net bedike waard, is de hjoeddeiske Eilânspolder. De Beemster en de Skermer waarden meiïnoar ferbûn troch in binnenfeart, it Swet.
It wetter om Schermerhorn hinne wie brak. Fiskers en letter ek walfiskfarders hienen Schermerhorn as thúshaven. De bining mei de see is yn 'e Nederlânsk-Herfoarme tsjerke noch jimmeroan oanwêzich troch de foarmen fan 'e grêfstiennen en de skipsmodellen. Oan 'e grutste bedriging fan 'e see kaam in ein mei it ynpolderjen fan 'e binnenmarren, dêr't om 1600 hinne mei úteinset waard.
Oant 1 augustus 1970 wie Schermerhorn in selsstannige gemeente, wêrnei't it oant 31 desimber 2014 diel útmakke fan de gemeente Skermer . Op 1 jannewaris 2015 waard it plak weryndield by de gemeente Alkmar.
It besjen wurdich
[bewurkje seksje | boarne bewurkje]De Grutte Tsjerke
[bewurkje seksje | boarne bewurkje]
De Wikipedy hat ek in side Grutte Tsjerke (Schermerhorn).
Al yn 1450 stie op it plak fan 'e hjoeddeiske tsjerke in katolike kapel. Dy kapel waard yn 1526 fergrutte ta in krústsjerke. Yn 1614 waard de tsjerke troch in tornado ferneatige. Om 1630 hinne wie der wer in plan om in nije tsjerke te bouwen, dêr't yn 1634 mei begûn waard. Dy hjoeddeiske tsjerke waard yn 1636 yn gebrûk nommen.
Op it hegere lân waarden de huzen en skuorren ticht byinoar boud, mar it die bliken dat njonken wetter ek fjoer in fijân fan Schermerhorn wie. It noardlike diel (it Westein) waard eartiids foar in grut part troch brân ferneatige. Dy brân is yn in miniatuer neiboud en kin besjoen wurde yn 'e protestantske tsjerke.
't Regthuysje
[bewurkje seksje | boarne bewurkje]
't Regthuysje is in ryksmonumint oan 'e Westeinde 1. It is in wyt bepleistere gebou mei in sealtek, dat yn 1766 boud is as rjochtsgebou foar de krite. Boppe de yngong stiet de tekst: Anno 1766 Op 16 Juni Is Hier Gelegt Door Wouter Koppen Out 15 Jaaren Den Eersten Steen Aan T Huys Van Regt Om Vreed en Vryheyt Te Bewaaren. De gevelstien boppe it finster fan 'e earste ferdjipping is in polygromy-foarstelling fan it Salomo-oardiel. Nei jierren fan gebrûk as wente waard it rjochtshûs yn 2022 restaurearre, op 'e nij ynrjochte en iepene as streekmuseum. It gebou lit it libben yn Schermerhorn sjen mei de klam op it libben fan 'e rjochter, de wethâlders en de rjochtsaken yn 'e 17e oant de 19e iuw.
Mûnen
[bewurkje seksje | boarne bewurkje]Tichteby Schermerhorn binnen in oantal wynmûnen bewarre bleaun dy't foar dat doel boud binne: Undermûne C, Undermûne D, Boppemûne E, Boppemûne G, Undermûne K en Poldermûne O.
Musea
[bewurkje seksje | boarne bewurkje]Ofbylden
[bewurkje seksje | boarne bewurkje]-
Pleats oan 'e Eastmizerdyk 8. -
Houten hûs. -
It lytste hûske fan Schermerhorn. -
ûndermûne C, museummûne en efter de boppemûne E.
.jpg)
-
Gevelteken (Westein). -
18e-iuwsk hûs (Westein). -
Mem en Bern
(Nic Jonk) . -
Wilhelminagemaal.
| Boarnen, noaten en/as referinsjes: | ||
|
|
|
Gemeente Alkmar |
|
|---|---|---|
| Stêd: Alkmar | ||
| Doarpen: Driehuizen • Graft • Grootschermer • Koedijk (foar in part) • Markenbinnen • Noordeinde • Oost-Graftdijk • Oterleek • Oudorp • De Rijp • Schermerhorn • Starnmeer • Stompetoren • Ursem (foar in part) • West-Graftdijk • Zuidschermer | ||
| Buorskippen: Bergermeer • Kogerpolder (foar in part) • Omval · Nieuwpoort • De Nollen • De Weijdt | ||
 ·  · 
| ||