Rykswei 6
| N369 | |
|---|---|
| Langte: | 101 km |
| Kaart | |
 | |
De Rykswei 6 of A6 is in Nederlânske rykswei en autodyk, dy't yn 'e twadde helte fan 'e 20e iuw yn dielen reekaam. Yyn 1978 koe der einlings sprutsen wurde fan in trochrinnende dyk fan De Jouwer nei Lelystêd. De A6 rint fan knooppunt Muiderberch (A1) fia Almere, Lelystêd, Emmeloard en De Lemmer nei knooppunt De Jouwer (A7) by De Jouwer.
De wei foarmet in wichtige ferbining tusken Amsterdam en Noard-Nederlân. Sûnt de foltôging fan de A27 by Almere kinne automobilisten út de hiele Rânestêd flugger yn Flevolân en Noard-Nederlân komme.
Der lizze twa beweechbere brêgen yn de A6 dy't simmerdeis foar wat opûnthâld soargje kinne. It giet om de Ketelbrug oer it Ketelmeer en de Skarster Rienbrêge oer de Skarster Rien by Skarsterbrêge.
By de Ketelbrug leit de ôfrit Swifterbant, dy't allinnich út Emmeloard wei berikt wurde kin.
Foarhinne wie it weidiel tusken knooppunt Emmeloard en knooppunt De Jouwer ûnderdiel fan Rykswei 50 (A50), letter is dit gedielte ûnderdiel wurden fan Rykswei 6. It feit dat de A6 fanút noardlike rjochting by knooppunt Emmeloard rjochttroch oergiet yn de N50, en it ferkear dat de A6 fierder folgje wol ôfslaan moat, tsjûget hjir noch fan. Oarspronklik wie it plan dat de A6 fan Emmeloard ôf trochrinne soe oer Wolvegea, Easterwâlde en Roan nei Grins, mar dit trajekt waard letter skrast.
Takomstige útwreiding
[bewurkje seksje | boarne bewurkje]Minister Peijs wie yn it earstoan fan doel om de A6 te ferbinen mei de A9 middels in tunnel lâns de Naardermar tusken knooppunt Holendrecht en knooppunt Muiderberch.
Yn oktober 2006 hat it kabinet Balkenende III lykwols it beslút nomd te kiezen foar it stroomline-alternatyf. Fanwege grutte maatskiplike wjerstân bliek in tunnelferbining net helber. Op 17 oktober waard bekend dat de A6, de A1 en de A10 ferbrede wurde en dat oer in bredere A9 noch oerlein wurdt mei de regio. It kabinet wol besjen oft de gemeente Amsterdam meibetelje wol oan de A9. Mei de ferbredingen wol it kabinet de fileproblemen op het trajekt Schiphol-Amsterdam-Almere werombringe. Op 19 oktober 2007 hat de ried fan Almere unanym besluten de fierdere ûnderhandelings mei it ryk oer groei mei 60.000 wenten op te skowen fanwege it efterbliuwen fan in kabinetsbeslút dat perspektyf biedt op it oplossen fan de fileproblemen tusken Almere en Amsterdam/Schiphol.
Ferskaat
[bewurkje seksje | boarne bewurkje]De A6 trochkrúst tusken Eastersee en Sint Nyk de Tsjûkemar.
Keppeling om utens
[bewurkje seksje | boarne bewurkje]| Diken yn Fryslân | 
| |
|---|---|---|
| Rykswegen: A6 ● A7 ● A31/N31 ● A32/N32 | ||
| Provinsjale diken: N351 ● N353 ● N354 ● N355 ● N356 ● N357 ● N358 ● N359 ● N361 ● N369 ● N380 ● N381 ● N383 ● N384 ● N390 ● N392 ● N393 ● N398 ● N910 ● N913 ● N917 ● N918 ● N919 ● N924 ● N927 ● N928 ● N979 ● N981 | ||
| Jeropeeske wei: E22 | ||
| Knooppunten: Knooppunt De Jouwer ● Knooppunt It Hearrenfean ● Knooppunt Oerterperfallaat ● Knooppunt Surch ● Knooppunt Werpsterhoeke | ||
| Rûnwegen: Ring Ljouwert ● Ring Snits | ||
 ·  · 
| ||