Popke van der Zee

Ut Wikipedy
Springe nei navigaasje Springe nei sykjen
Popke van der Zee
persoanlike bysûnderheden
nasjonaliteit Flag of the Netherlands.svg Nederlânsk
berne 14 juny 1956[1]
berteplak Ryptsjerk[1]
stoarn 8 augustus 2020[1][2][3]
stjerplak Mantgum[1]
etnisiteit Frisian flag.svg Frysk
wurkpaad
berop/amt learaar Ingelsk[2][3]
aktyf as toanielakteur,[2][3] oersetter[4]
reden
  bekendheid
● spile yn ferskate toanielstik-
   ken
en iepenloftspullen[2]
● brocht yn 1984 in proaza-
   oersetting fan Beowulf út[4]

Popke van der Zee (Ryptsjerk, 14 juny 1956[1]Mantgum,[1] 8 augustus 2020)[1][2] wie in Frysk taalkundige,[4] learaar,[2][3] toanielakteur[2][3] en oersetter.[4]

Libben[bewurkje seksje | boarne bewurkje]

Van der Zee oppenearre him foar it earst doe't er yn 1984 tegearre mei Jelle Krol in Fryske proaza-oersetting útbrocht fan it Aldingelske epos Beowulf.[4][5] Hy wurke neitiid as learaar Ingelsk.[2][3]

Yn 1996 waard er troch regisseur Romke Toering frege foar in lytse rol yn it Iepenloftspul fan Jorwert, dat dat jiers it stik In Sinterske Opera spile. Dat wie de debútrol fan Van der Zee.[2] It befoel sa goed dat er it jiers dêrop (op 'e nij by it Iepenloftspul fan Jorwert) de folle gruttere rol hie fan Bill Sykes, yn Oliver.[2] Dat wie it begjin fan in hiele rige rollen yn toanielstikken en iepenloftspullen,[2][3] wylst er ek meiwurke oan skoalradio- en skoaltillefyzje-útstjoerings fan Omrop Fryslân.[2][3] Yn 2018 makke Van der Zee diel út fan 'e sjuery fan 'e Gouden Gurbes, de prizen foar de bêste iepenloftspullen.[2] Syn lêste rol hied er yn 2019 yn it iepenloftspul fan De Himrik, dêr't doe Animal Farm fan George Orwell spile waard.[2]

Van der Zee wie sljocht nei angelfiskjen en reedriden.[2] Hy ried trije kear de Alvestêdetocht út: de Trettjinde, Fjirtjinde en Fyftjinde Alvestêdetocht yn 1985, 1986, resp. 1997.[2] Oare leafhawwerijen fan sines wiene fûgels en syn grientetún.[2]

Privee waarden Van der Zee en syn frou Wieke,[2] mei wa't er fjouwer bern hie,[2] troffen troch djip leed doe't harren twajierrige soan Piter Durk yn 'e feart by harren foar hûs yn Mantgum ferdronk.[2][3] Yn 2016 spile Van der Zee mei Froukje Reitsema, dy't sels ek in bern ferlern hie, oer dat ûnderwerp yn it stik Foar Dy Nei Dy, dat ynspirearre wie troch harren beider ûnderfinings.[2][3] Yn in reportaazje yn it ramt fan Finster op Fryslân fertelde Van der Zee dat er eltse dei noch oan syn jonkje tocht.[2]

Van der Zee kaam yn augustus 2020 te ferstjerren oan sloktermkanker.[2] Hy waard 64 jier.[2]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 1,2 1,3 1,4 1,5 1,6 Ferstjerrensberjocht fan Popke van der Zee.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 Post, Elisabeth, Teaterman Popke van der Zee (64) ferstoarn, yn: de Ljouwerter Krante, 11 augustus 2020, s. 13.
  3. 3,0 3,1 3,2 3,3 3,4 3,5 3,6 3,7 3,8 3,9 ——, Acteur Popke van der Zee overleden, yn: van Wad tot Stad, 11 augustus 2020, s. 9.
  4. 4,0 4,1 4,2 4,3 4,4 Dykstra, Klaes, en Oldenhof, Bouke, Lyts Hânboek fan de Fryske Literatuer, Ljouwert, 1997 (Afûk), ISBN 9 07 00 10 526, s. 159.
  5. Lemma yn it digitaal argyf fan Tresoar