Peter Tuinman

Ut Wikipedy
Jump to navigation Jump to search

Peter Koop Tuinman (Twizel, 15 april 1947) is in Nederlânsk akteur.

Biografy[bewurkje seksje | boarne bewurkje]

Peter Tuinman is berne yn Twizel as soan fan in skoallehaad. Heit Anne Tuinman sette toanielstikken oer, tekene, en skreaun revu’s. Mem Albertha Bloembergen wie djipleauwich en song yn it tsjerkekoar fan Oerterp. Syn âlden namen him faak mei nei it teäter yn Drachten.

As tsiener woe Tuinman lykwols sporter wurde. Op de middelbere skoalle blykt Peter as atleet en as basketballer by de bêsten fan de skoalle te hearren. Hy makket diel út fan it basketbalskoalteam. Hy wurdt ek lid fan atletykferiening AV’55 op It Hearrenfean, mar neidat in lytse hertôfwiking fêststeld wurdt moat hy him syn dreamde karrière as atleet út’e holle sette.
Peter Tuinman giet dochs it toaniel op en troch it selskip Tryater waard hy bekend. Op it Drachtster Lyseum makket er de hbs-a ôf en giet sosjology studearjen. Hy brekt syn stúdzje lykwols ôf en wurdt frachtweinsjauffeur, diskjockey en barkeeper. Dêrnei wurdt hy manager by in bank. Syn hobby bliuwt toanielspyljen. Op advys fan de lieder fan Tryater wurdt hy beropsakteur. Tuinman spile yn de telefyzjesearjes Tusken wâl en skip (1977) en De Kris Pusaka út itelde jier, mar bruts troch mei syn rol yn de film Spetters as Jaap, de homoseksuele broer fan Fientje. Hjirnei folgen rollen yn ferskate oare Nederlânske spylfims. Tuinman is dêrneist aktyf as toanielspiler en as telefyzje-akteur.

Tuinman is ek yn ferskate Fryske films te sjen, ûnder oaren yn De Dream - in ferfilming fan de Hogerhuis-saak út 1985 - en De Fûke (2000). Yn de dramasearje Dankert & Dankert fan Omrop Fryslân, ynspirearre op de twilling Willem en Hans Anker, spilet Tuinman de dûbele haadrol.
Yn 1985 krijt hy in Gouden Keal foar syn rol as Wybren Hogerhuis yn De Dream.

Tuinman is skieden fan Froukje Oostra. Ut syn eardere relaasje mei Patricia Bleeker hat hy in soan, Frank Tuinman. Yn 2005 wenne hy yn Oerterp.

Filmografy[bewurkje seksje | boarne bewurkje]

TV-searjes[bewurkje seksje | boarne bewurkje]

  • Tussen Wal en Schip (1977)
  • De Kris Pusaka (1977)
  • Transport (1983)
  • Oog in Oog (1991)
  • Bureau Kruislaan (1993) detective fan Vivan Pieters
  • Unit 13 (1996)
  • Costa! ôfl. 'Zwoele Nachten, Ware Liefde' (2001)
  • Baantjer
    • De Cock en de Moord op de Werf (2001)
  • All Stars (18 desimber 2001, gastrol as Bram syn 'omke Jan')
    • De Cock en de Onzichtbare Moordenaar -diel 1 en 2 (2006)
  • Dankert & Dankert Telefyzjerige - Pieter/Jelle Dankert (sa'n 50 ôfl., 2006-2007)
  • Bit (telefyzjerige) - Boargemaster (Ofl., In bline neger, 2008|Skuld & ferjouwing, 2009)
  • Hoe tem je een draak (2010) - Stim
  • De Goede Dood (2012) - Robert
  • Moordvrouw (2012) - Ewoud Nissick
  • Rood (2013) - Jager
  • Sams Kerst (2015) - Pake Jacob
  • Flikken Maastricht (2015) - Hans Bartelmans

Prizen[bewurkje seksje | boarne bewurkje]

  • Gouden Keal - bêste akteur De Dream, 1985
  • Louis d'Or - bêste akteur, nominaasje, De Revisor, 1991
  • Parse-priis - Ik Jan Cremer, rock-opera, 1986
  • Prix d'Italia – Ik ga naar Tahiti, 1993
  • Gouden Keal - De Fjoertoer, nominaasje

Ferskaat[bewurkje seksje | boarne bewurkje]

Keppeling om utens[bewurkje seksje | boarne bewurkje]