John te Loo

Ut Wikipedy
John te Loo
politikus
John te Loo yn 1986
John te Loo yn 1986
echte namme Gijsbert Johan te Loo
nasjonaliteit Nederlânsk
berteplak Harns
stjerplak Ljouwert
etnisiteit Frysk
partij PvdA
boargemaster fan Gasselte
amtsperioade 1958-1969
boargemaster fan Borger
amtsperioade 1969-1972
boargemaster fan Wynskoat
amtsperioade 1972-1979
boargemaster fan Schiedam
amtsperioade 1979-1983
boargemaster fan Ljouwert
amtsperioade 1983-1993

Gijsbert Johan (John) te Loo (Harns, 10 septimber 1928Ljouwert, 31 maart 2017) wie n Nederlânske politikus fan de PvdA.

Libben en wurk[bewurkje seksje | boarne bewurkje]

Te Loo keas nei syn gymnasiumoplieding yn Kampen foar in amtlike karriêre. Yn 'e jûnsoeren folge er de stúdzje rjochten oan 'e Ryksuniversiteit Grins. Doe't er 30 jier wie waard er yn 1958 beneamd ta boargemaster fan Gasselte en wie doe de jongste boargemaster fan Nederlân. Begjin 1969 studearre er ôf en fuort dêrnei waard er beneamd ta boargemaster fan Borger. Nei Borger folgen efterelkoar de beneamingen ta boargemaster yn Winschoten (1972), Schiedam (1979) en Ljouwert (1983). [1]

Te Loo by de ûntbleating fan it stânbyld fan François Haverschmidt yn Ljouwert

Nei it beëinigjen fan syn karriêre yn Ljouwert waard er noch ferskate kearen frege as waarnimmend boargemaster: yn Feandam (1993/1994), Eibergen (1995), Reiderlân (twadde helte fan 1997) en as ôfsluting yn syn berteplak Harns (1998).[1]

Neist boargemaster wie er ûnder mear plakferfangend-riedshear by it Gerjochtshof Ljouwert en lid fan de Centrale Raad voor Strafrechtstoepassing. [1]Ek wie er de earste presidint-kommissaris fan de Ried fan Kommissarissen fan Afvalsturing Friesland N.V. (hannelsnamme Omrin), de ôffalferwurker fan de 31 Fryske gemeenten.

Te Loo wie eareboarger fan de stêd Ljouwert. By gelegenheid fan syn ôfskied as boargemaster fan Ljouwert yn 1993 krige er Het Metrum van de voetstap oanbean. Fersen fan skriuwers dy't yn Ljouwert wenne of wurke hawwe, binne gravearre yn hurdstiennen tablo's ferspraat oer de binnenstêd. Yn 2003 waard de poëzyrûte útwreide oant yn totaal 23 gedichten.[2]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 1,2 Velde, Henk te In gesprek met oud-burgemeester Mr. G.J. te Loo in: op 't Spoor, 16e jiergong nr. 2 maaie 2007, Historische Vereniging Gasselte
  2. Het metrum van de voetstap. Poëzyrûte Ljouwert