Haijo Apotheker
| Hayo Apotheker | ||
 politikus | ||
| echte namme | Harm Haijo Apotheker | |
| nasjonaliteit |  Nederlânsk | |
| bertedatum | 5 juny 1950 | |
| berteplak | Loppersum | |
| etnisiteit |  Frysk | |
| partij | D66 | |
| Gemeenteriedslid fan Loppersum | ||
| amtsperioade | 1974 - 1977 | |
| Wethâlder fan Loppersum | ||
| amtsperioade | 1975 - 1977 | |
| Boargemaster fan Muntendam | ||
| amtsperioade | 1980 - 1988 | |
| Boargemaster fan Feandam | ||
| amtsperioade | 1988 - 1993 | |
| Boargemaster fan Ljouwert | ||
| amtsperioade | 1993 - 1998 | |
| foargonger | John te Loo | |
| opfolger | Loekie van Maaren | |
| Minister fan Lânbou, Natuerbehear en Fiskerij | ||
| regear | kabinet-Kok II | |
| amtsperioade | 1998 - 1999 | |
| foargonger | Jozias van Aartsen | |
| opfolger | Laurens Jan Brinkhorst | |
| Boargemaster fan Stienwyk | ||
| amtsperioade | 2000 - 2002 | |
| foargonger | H.W. Schippers | |
| opfolger | funksje opheft | |
| Boargemaster fan Stienwikerlân | ||
| amtsperioade | 2003 - 2010 | |
| foargonger | funsje ynstelld | |
| opfolger | Leo Elfers | |
| Boargemaster fan Snits (wnd.) | ||
| amtsperioade | 2010 | |
| foargonger | Arno Brok | |
| opfolger | funksje opheft | |
| amtsperioade | 2011 - 2017 | |
| foargonger | funksje ynsteld | |
| opfolger | Magda Berndsen | |
Harm Haijo (Hayo) Apotheker (Loppersum, 5 juny 1950) is in Nederlânske politikus foar D66.
Libben en wurk
[bewurkje seksje | boarne bewurkje]Oplieding en iere karriêre
[bewurkje seksje | boarne bewurkje]Apotheker studearre, nei syn oplieding oan 'e Ryks HBS yn Appingedam, sosjology en planology oan 'e Ryksuniversiteit Grins, dêr't er yn 1974 syn doktoraaleksamen helle. Hy sette mei syn karriêre útein as wittenskiplik ûndersiker stedsfernijing oan 'e Ryksuniversiteit Grins en wurke dêr fan 1974 oant 1977. Dêrnei wurke er as ûndersiker en adviseur op 'e ôfdieling Sosjaal-Geografysk en Bestjoerkundich Undersyk (SGBO) fan de VNG fan 1977 oant 1980.
Politike karriêre
[bewurkje seksje | boarne bewurkje]Hy begûn syn politike karriêre as gemeenteriedslid yn 1974 en as wethâlder yn 1975 yn de gemeente Loppersum oant 1977. Dêrnei waard er fan 1980 oant 1988 boargemaster fan Muntendam, fan 1988 oant 1993 fan Feandam en fan 1993 oant 1998 fan Ljouwert en krige dêrtroch wurdearring, hoewol't er sawol yn earstneamde as yn lêstneamde ('reade') gemeenten ynearsten net wolkom wie.[1][2] Doetiids wie er ek in tal jierren lid fan de Provinsjale Steaten fan de provinsje Grinslân.
Hy rûn as minister fan Lânbou yn it twadde kabinet-Kok fêst yn de Haachske polityk. Apotheker stapte út it kabinet om't er net genôch stipe foar alternativen foar de bargewet fan VVD-foargonger Jozias van Aartsen en oer de rjochtmjittgens dêrfan. De kabinetskrisis fan maaie sette him dêrta oan it tinken.[3] Hy stapte nei tsien moanne op en waard dêrnei boargemaster. Earst fan Stienwyk, dêrnei fan de fúzjegemeente Stienwikerlân.
Fan 15 febrewaris 2010 ôf wie Apotheker waarnimmend boargemaster fan Snits. Nei't dy gemeente op 1 jannewaris 2011 opgien wie yn de gemeente Súdwest-Fryslân waard er dêr earst waarnimmend boargemaster en begjin 2012 boargemaster. Yn dy snuorje sette er blyntsjewei in hantekening ûnder in troch in gemeente-amtner ferfalsk miljoenekontrakt foar in nijbouwyk yn Snits. De gemeente moast dêrtroch 7 miljoen euro mear betelje as de bedoeling wie. [4]
Hy bleau dêr boargemaster oant 31 desimber 2017, wêrnei't er mei yngong fan 1 jannewaris 2018 waarnimmend boargemaster fan 'e nije gemeente De Waadhoeke waard.[5][6] Op 30 oktober 2018 waard er opfolge troch Marga Waanders.[7][8] Nei twa moannen lins waard Apotheker mei yngong fan 1 jannewaris 2019 waarnimmend boargemaster fan 'e nije fúzjegemeente Noardeast-Fryslân.[9] Yn oktober fan dat jier waard bekend dat FNP-deputearre Johannes Kramer Apotheker begjin jannewaris 2020 opfolgje soe.[10]
Underskieding
[bewurkje seksje | boarne bewurkje]By syn ôfskied fan de gemeente Súdwest-Fryslân, yn desimber 2017, waard Apotheker beneamd ta Ofsier yn de Oarder fan Oranje-Nassau.[11]
Sjoch ek
[bewurkje seksje | boarne bewurkje]- Nederlânsk sosjolooch
- Nederlânsk politikus
- D66-politikus
- Nederlânsk gemeenteriedslid
- Nederlânsk wethâlder
- Nederlânsk boargemaster
- Nederlânsk provinsjaal politikus
- Nederlânsk minister fan Lânbou
- Nederlânsk liberaal
- Frysk sosjolooch
- Frysk politikus
- Boargemaster fan Ljouwert
- Boargemaster fan Snits
- Boargemaster fan Súdwest-Fryslân
- Boargemaster fan De Waadhoeke
- Boargemaster fan Noardeast-Fryslân
- Ofsier yn de Oarder fan Oranje-Nassau
- Frysk liberaal
- Frysk persoan fan Nederlânsk komôf
- Grinslânsk persoan
- Persoan berne yn 1950