Golden Globe foar Bêste Lange Animaasjefilm

Ut Wikipedy
Jump to navigation Jump to search
Golden Globe foar Bêste Lange Animaasjefilm
algemiene ynformaasje
nasjonaliteit Flag of the United States.svg Amerikaansk
útrikt foar bêste lange animaasjefilm
útrikt troch HFPA
frekwinsje 1x yn 't jier
datum jannewaris
plak Beverly Hills (Kalifornje)
ynsteld 2006
1e útrikking 2007
offisjele webside
www.goldenglobes.com

De Golden Globe foar Bêste Lange Animaasjefilm (Ingelsk: Golden Globe Award for Best Animated Feature Film) is in Amerikaanske priis op it mêd fan animaasjefilms, dy't sûnt 2007 elts jier ein jannewaris útrikt wurdt oan 'e as bêste beoardiele lange animaasjefilm fan it foargeande jier. It is ien fan 'e Golden Globes, dy't útrikt wurde troch de Hollywood Foreign Press Association (HFPA) by in útrikkingsseremoanje yn it Beverly Hilton yn Beverly Hills.

Skiednis[bewurkje seksje | boarne bewurkje]

By de Golden Globes koene animaasjefilms oarspronklik meitingje yn oare filmkategoryen, ornaris foar de Golden Globe foar Bêste Spylfilm – Musical of Komeedzje, dy't yn 1951 ynsteld waard. Dy priis waard trije kear troch in animaasjefilm wûn: yn 1991 (troch Beauty and the Beast), yn 1994 (troch The Lion King) en yn 1999 (troch Toy Story 2). Uteinlik besleat de Hollywood Foreign Press Association yn 2006 om in aparte priis foar animaasjefilms yn te stellen, yn neifolging fan 'e Oscars, dy't datselde yn 2001 dien hiene. De Golden Globe foar Bêste Lange Animaasjefilm waard foar it earst útrikt op 'e útrikkingsseremoanje fan jannewaris 2007.

Gadingmakkers[bewurkje seksje | boarne bewurkje]

Yn 'e folksmûle wurdt de Golden Globe foar Bêste Lange Animaasjefilm gauris de "Golden Globe foar Bêste Tekenfilm" neamd; dat is wat misliedend, om't net inkeld tekenfilms, mar bgl. ek lange animaasjefilms dy't makke binne mei stop-motiontechniken der om meitingje, wylst koarte tekenfilms krekt net meidogge. Oars as by de Oscars kinne by de Golden Globes Ingelsktalige films mar meitingje yn ien filmkategory; Ingelsktalige films dy't meidogge foar de Golden Globe foar Bêste Lange Animaasjefilm kinne dus net ek noch meidwaan foar de Golden Globe foar Bêste Spylfilm – Musical of Komeedzje of foar de Golden Globe foar Bêste Spylfilm – Drama. Oars-talige films kinne lykwols meidwaan foar sawol de Golden Globe foar Bêste Lange Animaasjefilm as de Golden Globe foar Bêste Bûtenlânske Film.

Winners[bewurkje seksje | boarne bewurkje]

De Golden Globes wurde útrikt oan it begjin fan it jier, foar films út it hiele foargeande jier. Yn 'e tabel hjirûnder wurdt de offisjele jiertelling fan 'e Golden Globes oanholden. Mar it jier dat oanjûn stiet is it jier dêr't de priis foar takend waard, en net it jier dêr't de priis yn takend waard. Dus dêr't bgl. stiet "2006", fûn de útrikking fan dy priis plak yn begjin 2007.

jier lân winner regisseur
2006 Flag of the United States.svg Cars John Lasseter
2007 Flag of the United States.svg Ratatouille Brad Bird
2008 Flag of the United States.svg WALL-E Andrew Stanton
2009 Flag of the United States.svg Up Pete Docter
2010 Flag of the United States.svg Toy Story 3 Lee Unkrich
2011 Flag of the United States.svg The Adventures of Tintin Steven Spielberg
2012 Flag of the United States.svg Brave Mark Andrews en Brenda Chapman
2013 Flag of the United States.svg Frozen Chris Buck en Jennifer Lee
2014 Flag of the United States.svg How to Train Your Dragon 2 Dean DeBlois
2015 Flag of the United States.svg Inside Out Pete Docter
2016 Flag of the United States.svg Zootopia Byron Howard en Rich Moore
2017 Flag of the United States.svg Coco Lee Unkrich
2018 Flag of the United States.svg Spider-Man: Into the Spider-Verse Bob Persichetti, Peter Ramsey en Rodney Rothman
2019 Flag of the United States.svg Missing Link Chris Butler

Keppelings om utens[bewurkje seksje | boarne bewurkje]

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.