André Kloos
| André Kloos | ||
 politikus
| ||
| ||
| André Kloos (1979) | ||
| echte namme | Andries Hein Kloos | |
| nasjonaliteit |  Nederlânsk
| |
| bertedatum | 12 augustus 1922 | |
| berteplak | Amsterdam | |
| stjerdatum | 9 novimber 1989 | |
| stjerplak | Kortenhoef | |
| partij | PvdA | |
| Lid Earste Keamer | ||
| amtsperioade | 1963-1982 | |
| Foarsitter NVV | ||
| amtsperioade | 1965-1971 | |
| foargonger | Derk Roemers | |
| opfolger | Harry ter Heide | |
| Foarsitter VARA | ||
| amtsperioade | 1971-1980 | |
| foargonger | Jan Broeksz | |
| opfolger | Albert van den Heuvel | |
Andries Hein (André) Kloos (Amsterdam, 12 augustus 1922 – Kortenhoef, 9 novimber 1989) wie in Nederlânsk politikus, fakbûnsbestjoerder en foarsitter fan de VARA.
Libbenspaad
[bewurkje seksje | boarne bewurkje]Kloos, soan fan opsichter by in skipfeartmaatskippij Johannes Jacobus Kloos en fan Seraphina Rosalia Geerts, gie 1939 oan it wurk as assistint-accountant. Yn 1952 helle er de mo-akten steatshúshâldkunde en statistyk. Wilens wie hy as administratyf meiwurker by it Nederlânsk Ferbûn fan Fakferieningen (NVV) bedarre, dat letter opgong yn de FNV. Hy waard meiwurker fan it wittenskiplik buoro fan de NVV en dêrnei adjunkt-direkteur fan dat buro. Yn 1956 waard hy lid fan it deistich bestjoer fan de NVV en tn 1965 foarsitteritter. Fan 1969 oant 1970 wie er ek foarsitter fan it Europeesk Ferbûn fan Frije Fakbûnen yn de Europeeske Mienskip (ECFTU).[1]
As fakbûnsfoarsitter fersette Kloos him tsjin de wet op de leanfoarming fan minister Roolvink, lid fan it Kabinet-De Jong (1967-1971). De nije wet moast it regear de mooglikheid biede om yn te gripen yn de CAO-ûnderhannelingen. De fakbeweging fielde dêr neat foar. Uteinlik kaam der dochs in wet dêr't yn stie dat de regearing it foech hie om by need yn te gripen yn de CAO's. It oannimmen fan de wet late ta in boycot fan it leanoerlis troch de fakbeweging.
Kloos wie ek warber op polityk flak. In 1963 waard er foar de PvdA lid fan de Earste Keamer, in funksje dy't er oant 1982 oanhâlde soe. Om 1970 hinne woene in protte lju yn de fakbeweging hawwe dat Kloos polityk lieder fan PvdA wurde soe, mar dat kaam der net fan. Yn 1971 folge Kloos Jan Broeksz op as foarsitter fan de VARA; dat bleau er njoggen jier. Harry ter Heide folge him op as foarsitter fan it NVV.
Wilens wie yn Nederlân in ûnrêstige tiid oanbrutsen. Ek yn de VARA joech dat botsingen tusken de Nieuw Linksers, aangevoerd door de doetiidske foarsitter fan de ûndernimmingsrie Jan Nagel, en de mear humanistysk oriïntearre fleugel. Kloos hie net folle bining mei Nieuw Links en syn foarsitterskip fan de VARA waard foar him ien en al lijen. It late ta in ferbittere Kloos dy't yn 1980 ôfkied naam fan de VARA.[2] Hij waard opfolge troch Albert van den Heuvel.
Kloos hat ferskate by-funksjes beklaaid. Hy wie lid fan de Sosjaal Ekonomyske Ried, presidint fan de Ried fan Kommissarissen fan de De Arbeiderspers en lid fan it kuratoarium fan Deiblêd Het Vrije Volk.
André Kloos rekke wei yn 1989 doe't er 67 jier wie.
Underskiedingen
[bewurkje seksje | boarne bewurkje]- Ridder yn de Oarder fan de Nederlânske Liuw, 30 maart 1966
- Lizpeinje yn brûns fan it Ministearje fan Sosjale Saken en Folkssûnens, 5 jannewaris 1971
| Boarnen, noaten en/as referinsjes: | ||
|
