Cheyenne River Yndianereservaat

Ut Wikipedy
Gean nei: navigaasje, sykje
Cheyenne River Yndianereservaat
Cheyenne River Indian Reservation
Cheyenne River IR.jpg
De prêrje yn it Cheyenne River Reservaat.
Polityk
Haadplak Eagle Butte (Súd-Dakota)
Stamme-organisaasje Flagge fan de Cheyenne River Sû Stamme.png Cheyenne River Sû Stamme
Lân Flag of the United States.svg Feriene Steaten
Steat Flag of South Dakota.svg Súd-Dakota
Sifers
Ynwennertal 8.470 (2000)
Oerflak 11.051½ km²
Befolkingstichtens 0,8 / km²
Oar
Stifting 1889
Tiidsône UTC-7
Simmertiid UTC-6
De lokaasje fan it Cheyenne River Reservaat yn Súd-Dakota.

It Cheyenne River Yndianereservaat (Ingelsk: Cheyenne River Indian Reservation) is it reservaat fan 'e federaal erkende Cheyenne River Sû Stamme (Cheyenne River Sioux Tribe), yn it noardwesten fan 'e Amerikaanske steat Súd-Dakota.

Geografy[bewurkje seksje | edit source]

It reservaat leit oan 'e westigge fan 'e rivier de Missoury en de noardigge fan 'e rivier Cheyenne (dêr't it nei ferneamd is), wylst de rivier de Moreau der dwers trochhinne streamt. Yn it noarden grinzget it oan it Standing Rock Yndianereservaat. It Cheyenne River Reservaat omfiemet Dewey County en Ziebach County suver folslein, wylst bûtenreservaatsk beheargebiet sitewearre is yn 'e oanswettende countys Stanley, Haakon en Meade. Neffens gegevens fan 'e Amerikaanske folkstelling fan 2000 wennen der doe krapoan 8.500 minsken yn it reservaat, dat in oerflak fan mear as 11.000 km² hat en dêrmei yn grutte it fjirde fan 'e Feriene Steaten is. It haadplak is Eagle Butte, mar North Eagle Butte, dat fuort benoarden dêrfan leit, hat mear ynwenners.

Skiednis[bewurkje seksje | edit source]

It Cheyenne River Reservaat makke oarspronklik diel út fan it Grutte Sû-reservaat yn westlik Súd-Dakota, dat yn 1868 stifte waard. Nei de nederlaach fan 'e Lakota yn 'e Flakte-Yndiaanske Oarloggen fan 'e 1860-er en 1870-er jierren waard de helte dêrfan lykwols troch de Amerikanen ôfnommen, wylst de rest yn 1889 opdield waard yn fiif lytsere reservaten, wêrfan't Cheyenne River ien is. It oarspronklike Cheyenne River Reservaat hie in oerflak fan krapoan 13.000 km². Dêrby rûn de noardlike grins mei it Standing Rock Reservaat by de Grand River lâns. Mar yn 1909 waard troch de Amerikaanske oerheid in stripe lân besuden dy rivier oerhevele fan Cheyenne River nei Standing Rock. Yn 1910 waarden de dielen fan it Cheyenne River Reservaat dy't mienskiplik eigendom fan 'e stamme wiene, frijjûn foar kolonisaasje troch blanken.

Hjoed de dei[bewurkje seksje | edit source]

Hjoed oan 'e dei binne de libbensomstannichheden yn Cheyenne River tige dreech. Der binne alve lytse wenkearnen yn it reservaat, wêrfan't de measten sels noch net iens oansletten binne op 'e wetterlieding. Mei't der net in protte wurk te finen is yn it reservaat sels, noch yn 'e plakken deromhinne, is in grut part fan 'e befolking wurkleas. Selsmoard, benammen ûnder de jongerein, komt rûnom foar. Neffens sifers dy't publisearre binne yn it tydskrift Indian Country Today hat ien op 'e fiif famkes yn Cheyenne River it yn har omgean litten om harsels tekoart te dwaan, wylst ien op 'e tsien it ek wier-wier besocht hat.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.


de Sû (Sioux)
Etnyske groepen
Sû (Sioux): Dakota (Eastlike Dakota of SantyWestlike Dakota of Jankton-Janktonai) | Lakota
Talen
Sû (Sioux): Dakota (Eastlik DakotaWestlik Dakota) | Lakota (Noardlik LakotaSintraal LakotaSúdlik Lakota)
Tradysjonele stammen
Eastlike Dakota: Mdewakanton | Sisseton | Wahpekûte | Wahpeton | Westlike Dakota: Jankton | Janktonai (Neder-JanktonaiOpper-Janktonai) | Lakota: Titon (BruleeHûnkpapaMinnikonzjûOglalaSâns ArksSwartfuottenTwatsjettels)
Hjoeddeistige stamme-organisaasjes
Feriene Steaten
Assiniboin en Sû fan it Fort Peck Yndianereservaat fan Montana | Feriene Sû Stammen (Cheyenne River Sû StammeCrow Creek Sû StammeFlandreau Santy Sû Stamme fan Súd-DakotaJankton Sû StammeNeder-Brulee Sû Stamme
Oglala Sû Stamme fan it Pine Ridge Reservaat fan Súd-DakotaRosebud Sû StammeSanty Sû NaasjeSisseton en Wahpeton Sû StammeSpirit Lake StammeStanding Rock Sû Stamme) | Neder-Sû Yndianemienskip | Opper-Sû Mienskip |
Prairie Island Yndianemienskip | Shakopee Mdewakanton Dakota Mienskip | Mendota Mdewakanton Sû Mienskip (net erkend)
Kanada
Birdtail Sû Earste Naasje | Canupawakpa Dakota Naasje | Dakota Plains Wahpeton Naasje | Dakota Tipi Earste Naasje | Sioux Valley Dakota Naasje | Standing Buffalo Dakota Earste Naasje | Wahpeton Dakota Naasje | White Bear Earste Naasjes |
Whitecap Dakota/Sû Earste Naasje | Wood Mountain Earste Naasje
Reservaten
Feriene Steaten
Cheyenne River | Crow Creek | Flandreau | Fort Peck | Jankton | Lake Traverse | Neder-Brulee | Neder-Sû | Opper-Sû | Pine Ridge | Prairie Island | Rosebud | Santy | Shakopee | Spirit Lake | Standing Rock
Kanada
Birdtail Creek | Birdtail Hay Lands | Dakota Plains | Dakota Tipi | Ferdrach Nû. 4 Reservaatgrûnen | Fishing Station | Oak Lake 59A | Oak Lake 59B | Sioux Valley | Standing Buffalo | Wahpeton | White Bear | Whitecap | Wood Mountain
Oar
Grutte Sû Naasje | Grutte Sû Reservaat | Lakota Frijheidsdelegaasje | Nakota | Republyk Lakota