Spirit Lake Yndianereservaat

Ut Wikipedy
Spirit Lake Yndianereservaat
Spirit Lake Indian Reservation
Lânskip yn it Sullys Hill National Game Preserve.
Lânskip yn it Sullys Hill National Game Preserve.
polityk
haadplak Fort Totten (Noard-Dakota)
stamme Spirit Lake Stamme
lân Feriene Steaten
steat  Noard-Dakota
sifers
ynwenners 4.435 (2000)
oerflak 1.283,8 km²
bef.tichth. 3,5 / km²
oar
stifting 1867
tiidsône UTC-6
simmertiid UTC-5
kaart
Lânskip yn it Sullys Hill National Game Preserve.
Yndianereservaten yn 'e steat Noard-Dakota. Spirit Lake is werjûn yn read.

It Spirit Lake Yndianereservaat (Ingelsk: Spirit Lake Indian Reservation) is it reservaat fan 'e federaal erkende Spirit Lake Stamme (Spirit Lake Tribe) yn it noardeasten fan 'e Amerikaanske steat Noard-Dakota.

Geografy[bewurkje seksje | boarne bewurkje]

It reservaat leit oan 'e súdigge fan it Devils Lake, benammentlik yn 'e countys Benson en Eddy, al beslacht it ek stikjes fan 'e countys Ramsey, Wells en Nelson. Foarhinne droegen it reservaat en de stamme de namme fan "Devils Lake" ("Duvelsmar"), nei de mar; om 2000 hinne binne se lykwols omneamd ta "Spirit Lake" ("Geastemar") fanwegen de negative assosjaasjes dy't it wurd devil ("duvel") by de measte lju oprôp. Op guon lânkaarten stiet it trouwens werjûn as it Fort Totten Yndianereservaat.

Demografy[bewurkje seksje | boarne bewurkje]

Neffens offisjele gegevens fan 'e Amerikaanske folkstelling fan 2000 wennen der doe goed 4.400 minsken yn it reservaat, al waard der yn 2013 rûsd dat der doe goed 6.000 ynwenners wêze moasten. It reservaat hat in oerflak fan krapoan 1.300 km². It haadplak (en grutste plak) is Fort Totten, dêr't sawol it haadkertier fan 'e stamme, de middelbere skoalle fan it reservaat, as it agintskip fan it Buro fan Yndiaanske Saken (BIA) fêstige is.

Skiednis[bewurkje seksje | boarne bewurkje]

It Spirit Lake Reservaat waard yn 1867 oprjochte, doe't de Eastlike Dakota as gefolch fan 'e blanke kolonisaasjedruk en by wize fan repressaillemaatregel fanwegen de bloedige Dakota-Oarloch fan 1862 út harren foarâlderlike thúslân yn Minnesota ferdreaun waarden.

Ekonomy[bewurkje seksje | boarne bewurkje]

Om't yn it (federale) reservaat de wetten fan 'e steat Noard-Dakota, dy't gokken ferbiede, net jilde, liet de Spirit Lake Stamme yn 'e jierren tachtich al twa kasino's sette, dy't yn 1996 beide tichtgiene om romte te meitsjen foar it folle gruttere Spirit Lake Casino, dêr't de stamme noch altiten syn measte ynkomsten út hellet. Fanwegen de relative isolaasje fan it reservaat fan grutte befolkingssintra is it allegeduerigen lijen mei de lokale ekonomy. Der binne net folle pleatslike ûndernimmingen, en de wurkleazens bedroech yn 2000 47,3%.

Mooglik dat mei bettere marketingstrategyen it toerisme yn 'e takomst útkomst biede kin, want it Spirit Lake Reservaat omfettet ynteressante saken, lykas de Fort Totten State Historic Site, in histoarysk fort dat ek tsjinne hat as ynternaat foar Yndiaanske bern, en dat opnommen is yn it Nasjonaal Register fan Histoaryske Plakken. Fierders leit ek it Sullys Hill National Game Preserve binnen de reservaatsgrinzen, in national wildlife refuge (natuergebiet mei in legere beskerme status as dy fan nasjonaal park), dêr't û.m. 20-30 bizons, 25-40 wapitys, 20-30 wytsturtharten en in koloanje prêrjehûnen libje.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: Notes en References, op dizze side.

de Sû (Sioux)
Etnyske groepen
Sû (Sioux): Dakota (Eastlike Dakota of Santy • Westlike Dakota of Jankton-Janktonai) ● Lakota
Talen
Sû (Sioux): Dakota (Eastlik Dakota • Westlik Dakota) ● Lakota (Noardlik Lakota • Sintraal Lakota • Súdlik Lakota)
Tradisjonele stammen
Eastlike Dakota: Mdewakanton ● Sisseton ● Wahpekûte ● Wahpeton ● Westlike Dakota: Jankton ● Janktonai (Neder-Janktonai • Opper-Janktonai) ● Lakota: Titon (Brulee • Hûnkpapa • Minnikonzjû • Oglala • Sâns Arks • Swartfuotten • Twatsjettels)
Hjoeddeistige stamme-organisaasjes
Feriene Steaten
Assiniboin en Sû fan it Fort Peck Yndianereservaat fan Montana ● Feriene Sû Stammen (Cheyenne River Sû Stamme • Crow Creek Sû Stamme • Flandreau Santy Sû Stamme fan Súd-Dakota • Jankton Sû Stamme • Neder-Brulee Sû Stamme • Oglala Sû Stamme fan it Pine Ridge Reservaat fan Súd-Dakota • Rosebud Sû Stamme • Santy Sû Naasje • Sisseton en Wahpeton Sû Stamme • Spirit Lake Stamme • Standing Rock Sû Stamme) ● Neder-Sû Yndianemienskip ● Opper-Sû Mienskip ● Prairie Island Yndianemienskip ● Shakopee Mdewakanton Dakota Mienskip ● Mendota Mdewakanton Sû Mienskip (net erkend)
Kanada
Birdtail Sû Earste Naasje ● Canupawakpa Dakota Naasje ● Dakota Plains Wahpeton Naasje ● Dakota Tipi Earste Naasje ● Sioux Valley Dakota Naasje ● Standing Buffalo Dakota Naasje ● Wahpeton Dakota Naasje ● White Bear  Earste Naasjes ● Whitecap Dakota/Sû Earste Naasje ● Wood Mountain Lakota Earste Naasje
Reservaten
Feriene Steaten
Cheyenne River ● Crow Creek ● Flandreau ● Fort Peck ● Jankton ● Lake Traverse ● Neder-Brulee ● Neder-Sû ● Opper-Sû ● Pine Ridge ● Prairie Island ● Rosebud ● Santy ● Shakopee ● Spirit Lake ● Standing Rock
Kanada
Birdtail Creek ● Birdtail Hay Lands ● Dakota Plains ● Dakota Tipi ● Ferdrach Nû. 4 Reservaatgrûnen ● Fishing Station ● Oak Lake 59A ● Oak Lake 59B ● Sioux Valley ● Standing Buffalo ● Wahpeton ● White Bear ● Whitecap ● Wood Mountain
Oar
Grutte Sû Naasje ● Grutte Sû Reservaat ● Lakota Frijheidsdelegaasje ● Nakota ● Republyk Lakota