Zarayda Groenhart
| Zarayda Groenhart | ||
 tillefyzje- en/of radiopersoanlikheid
| ||
| ||
| persoanlike bysûnderheden | ||
| echte namme | Zarayda Groenhart | |
| nasjonaliteit |  Nederlânsk
| |
| berne | 31 july 1982 | |
| berteplak | Hoarn (Noard-Hollân) | |
| etnisiteit |  Surinaamsk-Kreoalsk
| |
| wurkpaad | ||
| wurksum as | presintatrise | |
| medium | tillefyzje, radio | |
| wurksum by | The Box, TMF, BNN | |
| bekend fan | Spuiten en Slikken | |
| jierren aktyf | 2005 – no | |
| offisjele webside | ||
| www.zarayda.nl | ||
Zarayda Groenhart (Hoarn, 31 july 1982) is in Nederlânsk presintatrise en publisiste fan Surinaamsk komôf.
Libben en karriêre
[bewurkje seksje | boarne bewurkje]Groenhart is hikke en tein yn it Westfryske Hoarn, en is fan Surinaamsk-Kreoalsk etnysk komôf. Har âlden binne yn 'e santiger jierren út Suriname nei Nederlân emigrearre. Groenhart studearre marketing yn Amsterdam, en die neitiid audysje by it Cosmic Theater, wat derop útrûn dat se acht moannen lang meispile yn it teäterstik Catwalk.
Yn 2005 fûn Groenhart wurk as VJ by de muzykstjoerder The Box, en nei in reorganisaasje fanôf desimber 2006 by TMF. Yn febrewaris 2007 stapte se oer nei omrop BNN, dêr't se presintatrise waard fan 'e programma's URBNN, State TV en Try Before You Die. Lanlike bekendheid krige hja troch har presintaasje (mei oaren) fan it spraakmeitsjende programma Spuiten en Slikken (oer drugs en seks). Op 'e radio wie Groenhart ek te beharkjen as presintatrise fan in wykliks programma dat útstjoerd waard op 'e stjoerder FunX en as ûnderdiel fan Lijn5 op Radio 5. As kollumniste is hja wurksum foar it tydskrift JFK en fierders skriuwt hja artikels foar de Nieuwe Revu en nrc.next. Yn 2013 die se mei oan it reality-spulprogramma Wie Is de Mol?, wêrby't se lykwols ôffoel foar de finale.
Yn 2014 publisearre Groenhart it boek Het Waarom-Meisje, wêryn't se iepenhertich har ûnderfinings beskriuwt oangeande de ferkrêfting dy't hja om 2001 hinne ûndergie, en alle dêrút fuortfloeiende persoanlike en psychyske swierrichheden. Ek wreidet se dêryn út oer de stipe dy't se fan har famylje krige, en dy't ûnmisber wie foar it oerwinnen fan har problemen.
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Foar boarnen en oare literatuer, sjoch ûnder: Bronnen, noten en/of referenties, op dizze side. |
- Nederlânsk telefyzjepresintator
- Nederlânsk radiopresintator
- Nederlânsk toanielakteur
- Nederlânsk kollumnist
- Nederlânsk publisist
- Nederlânsk autobiograaf
- TMF-wurknimmer
- BNN-wurknimmer
- Dielnimmer oan in Nederlânsk realitytelefyzjeprogramma
- Nederlânsk misdieslachtoffer
- Ferkrêftingsslachtoffer
- Nederlânsk persoan fan Surinaamsk komôf
- Nederlânsk persoan fan Surinaamsk-Kreoalsk komôf
- Westfrysk persoan
- Persoan berne yn 1982