Osnabrück

Osnabrücker stedhûs
(mei seal dêr't de Frede fan Westfalen ûndertekene is yn 1648)

De Merk

Osnabrück is in stêd yn de Dútske dielsteat Nedersaksen. Der wenje sa likernôch 164.000 minsken (2009), en is de tredgrutste stêd fan Nedersaksen. De stêd leit oan de rivier de Hase, tusken it Teutoburger Wâld yn it suden en it Wiehenberchte yn it noarden.

Ut de skiednis

Osnabrück waard nei de ûntbining fan it Hillige Roomske Ryk anneksearre troch it Keninkryk Hannover yn 1803. Dat waard goedkard by it Kongres fan Wenen yn 1815. En 1866 kaam it Keninkryk Hannover by Prusen, dêr't Osnabrück ek by hearde. Yn de Twadde Wrâldkriich waard de stêd slim skeind troch Alliearde bombardeminten. Nei de kriich waard in grut diel fan de âlde stêd wer opboud. De 'Aldstadt' is net hielendal yn syn âlde steat werombrocht, mar jout dochs in priuwke fan de midsieuske stêd. Nei de kriich wie Osnabrück de thúsbasis fan de Britske Striidkrêften Dútslân (British Forces Germany, BFG). Yn 2010/2011 sil neffens it Britske Ministearje fan Definsje de 4e Armoured Division Osnabrück ferlitte.

Berne yn Osnabrück

• Erich Maria Remarque (1898-1970), skriuwer
• Felix Nussbaum (1904-1944), keunstskilder
• Peter van Pels (1926-1945), ûnderdûker yn Het Achterhuis, Amsterdam
• Christian Wulff (1959), presidint fan Dútslân