Heidekreis

Ut Wikipedy
Landkreis Göttingen
flagge wapen
polityk
soarte gebiet lânkring
lân Dútslân
bûnslân Nedersaksen
haadplak Bad Fallingbostel
tal gemeenten 23
kenteken HK
Kreisschlüssel 03 3 58
sifers
ynwennertal 140.885 (2020)
oerflak 1.873,72 km²
befolkingstichtens 75 / km²
oar
stifting 1977
tiidsône UTC +1
simmertiid UTC +2
koördinaten 52°55′ N 9°45′ E
webside side lânkring Heidekreis

De Landkreis Heidekreis is in lânkring yn it Dútske bûnslân Nedersaksen. De lânkring leit hast hielendal op de Lüneburger Heide, dêr't de namme nei ferwiisd. De haadstêd is Bad Fallingbostel.

De lânkring ûnstie op 1 augustus 1977 troch de fúzje fan de eardere lânkringen Fallingbostel en Soltau. De lânkring krige doe de namme Fallingbostel-Soltau, mar op 1 augustus 2011 waard Soltau-Fallingbostel yn Heidekreis omneamd. De lânkring heart by de Metropoalregio's Hamburch en Hannover-Braunschweig-Göttingen-Wolfsburg. It eardere distrikt Soltau yn it noarden is tradisjoneel op Hamburch oriïntearre, wylst it eardere distrikt Fallingbostel yn it suden altiten mear op Hannover oriïntearre wie.

Geografy[bewurkje seksje | boarne bewurkje]

It grutste diel fan de Heidekreis leit yn de saneamde Südheide, rûchwei de trijehoeke tusken Schneverdingen yn it noarden, Verden yn it westen en Wolfsburg yn it súdeasten. Yn it noardwesten dêrfan leit it natoerbeskermingspark Lüneburger Heide. It súdwesten is it ûnwetteringsgebiet fan de rivier de Aller. De 72 kilometer lange Böhme hat de boarne yn it noardwesten yn it natoerbeskermingspark Lüneburger Heide by Schneverdingen en streamt dwers troch de lânkringe nei Soltau en letter rjochting Fallingbostel. Noardwestlik fan de Böhme lizze heechflakten dy't foar boskbou en agrarysk brûkt wurde. Südeastlik leit in gebiet mei folle mear reliëf yn it lânskip, de saneamde Falkenberg-einmorene, dy't hast hielendal yn it militêre oefengebiet Bergen-Hohne leit.

Mei de klok mei grinzget de lânkring begjinnen yn it noarden oan de lânkringen Harburg, Lüneburg, Uelzen en Celle, oan de Regio Hannover en oan de lânkringen Nienburg, Verden en Rotenburg.

Gemeenten[bewurkje seksje | boarne bewurkje]

Gemeenteyndieling fan de lânkring Heidekreis

Ienheidsgemeenten

  1. Bad Fallingbostel, kreisstadt
  2. Bispingen
  3. Munster, stêd
  4. Neuenkirchen
  5. Schneverdingen, stêd
  6. Soltau, stêd
  7. Walsrode, stêd
  8. Wietzendorf

Samtgemeinden mei de dêrûnder fallende gemeenten

* sit fan it bestjoer fan de samtgemeinde

  1. Ahlden (Aller), flekke
  2. Eickeloh
  3. Grethem
  4. Hademstorf
  5. Hodenhagen *
  1. Böhme
  2. Frankenfeld
  3. Häuslingen
  4. Rethem (Aller), stêd *
  1. Buchholz (Aller)
  2. Essel
  3. Gilten
  4. Lindwedel
  5. Schwarmstedt *

Gemeentefrij gebiet (ûnbewenne)

 
Nedersaksen
Flagge fan Nedersaksen
Landkreise

Aldenburch - Ammerland - Auwerk - Celle - Cuxhaven - Diepholz - Fryslân - Gifhorn - Goslar - Göttingen - Greefskip Bentheim - Hameln-Pyrmont - Regio Hannover - Harburg - Heidekreis - Helmstedt - Hildesheim - Holzminden - Iemslân - Kloppenburch - Lier - Lüchow-Dannenberg - Luneburch - Nienburg - Northeim - Osnabrück - Osterholz - Peine - Rotenburg - Schaumburg - Stade - Uelzen - Vechta - Verden - Wesermarsch - Wittmund - Wolfenbüttel

Kreisfreie Städte
Aldenburch - Breunswyk - Delmenhorst - Emden - Osnabrück - Salzgitter - Wilhelmshaven - Wolfsburg