Vatta's Peace

Ut Wikipedy
Jump to navigation Jump to search
Vatta's Peace
auteur Elizabeth Moon
taal Ingelsk
foarm romansearje
sjenre science fiction
1e publikaasje 2017 – ...
oarspr. útjwr. Flag of the United States.svg Del Rey Books
Flag of the United Kingdom.svg Orbit Books

Vatta's Peace is in science fiction-romansearje fan 'e hân fan 'e Amerikaanske skriuwster Elizabeth Moon. De titel betsjut: "Vatta's Frede" of "De Frede fan Vatta", en ferwiist nei de haadpersoan en har famylje. De rige heart ta it subsjenre fan 'e militêre science fiction en is in ferfolch op Moon har eardere pentalogy Vatta's War. It earste diel fan Vatta's Peace ferskynde yn 2017.

Boeken[bewurkje seksje | boarne bewurkje]

Ynhâld[bewurkje seksje | boarne bewurkje]

Yn Vatta's Peace ferfettet Elizabeth Moon har ferhaal oer de aventoeren fan Kylara "Ky" Vatta, in telch út in foaroansteande famylje fan romtekeapfarders fan 'e planeet Slotter Key. Nei in drege oarloch hie Ky yn Victory Conditions, it lêste diel fan Vatta's War, einlings ôfweefd mei it ferbûn fan piraten dat ferantwurdlik wie foar it útmoardzjen fan har famylje. Se soe no as in oarlochsheldinne nei har thúswrâld weromkeare moatte, mar dêr oankommen stoart har romtefear troch sabotaazje del op in ûnherberchsum en dreech berikber diel fan 'e planeet. Dan docht bliken dat noch net al Ky har fijannen dea binne.

Haadpersoanen[bewurkje seksje | boarne bewurkje]

  • Kylara Evangeline Dominque Vatta, ropnamme Ky, telch út in foaroansteand keapfarderslaach op Slotter Key en admiraal fan 'e ynterstellêre Romte Ferdigenings Macht
  • Stella Maria Celeste Vatta Constantin, Ky har nicht, de algemien direktrise fan Vatta Enterprises
  • Grace Lane Vatta, Ky har âldmuoike, de minister fan Definsje fan Slotter Key
  • Helen Stamarkos Vatta, Ky har muoike en Stella har mem
  • Rafael "Rafe" Dunbarger, de algemien direkteur fan InterStellar Communications en Ky har frijer
  • Penelope Dunbarger, Rafe syn suster, dy't risselwearret om 'e post fan algemien direkteur fan ISC fan him oer te nimmen
  • Allie Barash, in korporaal yn it leger fan Slotter Key
  • Armand Esteban Burleson, de kommandant fan 'e militêre akademy fan Slotter Key
  • Benazir Inyatta, in korporaa] yn it leger fan Slotter Key
  • Durga Kamat, in korporaal yn it leger fan Slotter Key
  • Iskin Kvannis, kommandant fan 'e militêre akademy fan Slotter Key as opfolger fan Burleson, en de lieder fan 'e gearspanning mank de striidkrêften fan Slotter Key
  • Anders MacRobert, sersjant b.tsj. fan 'e romtemacht fan Slotter Key, no haad befeiliging fan 'e minister fan Definsje
  • Sonja Tonaya Morrison, de sersjant-majoar fan 'e striidkrêften fan Slotter Key
  • Cally Ray Pitt, in sersjant en feteraan fan mear as 30 tsjinstjierren by de Mackensee Military Assistance Corporation
  • Michael Quindlan, it haad fan 'e ynfloedrike Quindlan-famylje, en in swarde fijân fan 'e Vatta's
  • Benny Quindlan, Michael syn omkesizzer, dy't de ûndergong fan 'e Vatta's folle minder skele kin
  • Edvard Simeon Teague (net syn wiere namme; dat is Pauli Gregson), in meiwurker fan Rafe Dunbarger
  • Rodney Vatta-Stevens, in kompjûterekspêr yn 'e tsjinst fan Vatta Enterprises en in fiere neef fan Ky

Boarnen, noaten en referinsjes[boarne bewurkje]

Boarnen, noaten en/as referinsjes:
Vatta's War
Trading in Danger • Moving Target • Engaging the Enemy • Command Decision • Victory Conditions
Vatta's Peace
Cold Welcome • Into the Fire