Steatsboskbehear
Steatsboskbehear (SBB) is de natuerbehearder fan de Nederlânske steat. De organisaasje beheart sa'n 246.000 hektare natuergebieten en oare omjouwings yn Nederlân. Steatsboskbehear waard op 21 july 1899 oprjochte mei as doel de oanwêzigens fan bosk te fergrutsjen sadat der hout kapt wurde kin en om sânferstowing keare te kinnen. Hjoed de dei (2024) stiet benammen de rekreative funksje fan de bosk sintraal.
De kearntaken en doelstellings fan Steatsboskbehear binne:
- It behearen, oftewol ynstânhâlden, wer goed krijen en ûntwikkeljen, fan bosk-, natuer-, lânskips- en kultuerhistoaryske wearden yn de gebieten fan Steatsboskbehear
- It befoarderjen fan rekreaasje yn safolle mooglik gebieten fan Steatsboskbehear
- It leverjen fan in bydrage oan de produksje fan milieufreonlike grûnstoffen, lykas hout.
Steatsboskbehear is yn 1997 ferselsstannige. Foartiids foel it fuortendaliks ûnder it Ministearje fan Lânbou, Natuer en Fiedselkwaliteit. Nei de ferselsstanniging is de organisaasje binnen de ramten fan de 'Wet verzelfstandiging Staatsbosbeheer' ferantwurdlik foar de eigen bedriuwsfiering. Under de noemer Buitenleven Vakanties ferhiert Steatsboskbehear tegearre mei LandschappenNL en Natuermonuminten eardere boskwachterswenten, skuorren en buorkerijen as fakânsjewenning.
It haadkantoar wie oant 1990 fêstige yn Utrecht, dêrnei yn Driebergen en sûnt 2016 yn Amersfoort.
As reaksje op oerheidsbesunigings sette Steatsboskbehear yn 2013 útein mei de ferkeap fan inkelde terreinen. [ 6 ] Net lang dêrnei besleat steatssekretaris Sharon Dijksma fan Lânbou dat dit net de bedoeling wie. Fan 2019 ôf wurke SBB, yn it ramt fan in effisjint behear, mei oan ruilingen en oan- en ferkeap fan grûn yn meardere provinsjes.
Gebieten fan Steatsboskbehear yn Fryslân
[bewurkje seksje | boarne bewurkje]- It Amelân (ferskillende terreinen)
- Bakkefean
- Blauwe Bosk
- De Deelen
- Gaasterlân (ferskillende terreinen)
- Geaupolder
- De Houtwiel
- Lângoed It Oranjewâld
- Stania State (Oentsjerk)
- Nasjonaal Park Drintsk-Fryske Wâld (foar in part yn Drinte)
- Nasjonaal Park Lauwersmar (foar in part yn Grinslân)
- Rottige Meente
- Snitsermar
- Skylge (ferskate terreinen)
- Tiesingaboskje
- Flylân (ferskate terreinen)
- Wite en Swarte Brekken
Keppeling om utens
[bewurkje seksje | boarne bewurkje]| Boarnen, noaten en/as referinsjes: |
|