Piipljurk

Ut Wikipedy
Springe nei navigaasje Springe nei sykjen
Piipljurk
Piipljurk (Anthus pratensis)
Piipljurk (Anthus pratensis)
Taksonomy
klasse: fûgels (Aves)
skift: moskeftigen (Passeriformes)
ûnderskift: sjongfûgels (Passeri)
boppefamylje: (Passeroidea)
famylje: wipsturt- en piperfûgels (Motacillidae)
skaai: pipers (Anthus)
soarte: piipljurk (Anthus pratensis)
Linnaeus, 1758

De piipljurk (Anthus pratensis) is in sjongfûgel út de famylje fan de wipsturt- en piperfûgels.

Oare Fryske nammen[bewurkje seksje | boarne bewurkje]

De piipljurk wurdt ek wol daamljurk of greidepiper neamd. De piipljurk is gjin 'ljurk' yn taksonomyske sin, mar in 'piper'.

Foarkommen[bewurkje seksje | boarne bewurkje]

De piipljurk is yn fûgeltsje fan 15 cm d.w.s. sa grut as in (hús)mosk, mar slanker. Lykas oare pipers, sa as de beampiper en de wetterpiper, hat de piipljurk in streekte, griisbrune en grienbrune rêch. De kop hat ljochte each- en kinstreken. De boarst is ek streekt en de bûk is fealwyt ta gieleftig. Ûnderskied mei oare pipers, yn 't bysûnder de beampiper, is dreech.

Fersprieding[bewurkje seksje | boarne bewurkje]

De piipljurken komme foar yn it iepen fjild, op boulân en yn greiden, mar ek in heide- en dúngebieten. De fûgels briede yn Noard- en Midden-Jeropa en Aazje, en oerwinterje meast yn Súd-Jeropa, Noard-Arika en Súd-Aazje.

Yn Nederlân is de piipljurk noch in algemiene briedfûgel, trochtrekker en wintergast, mar de oantallen nimme stadich ôf: yn 2013-2015 wiene der noch 55.000-80.000 briedpearen, mei de heechste konsentraasjes yn Grinslân, Fryslân, Flevolân en Seelân. De fûgel stiet op de Nederlânske Reade list fan fûgels as 'gefoelich'.

Iten[bewurkje seksje | boarne bewurkje]

De piipljurken ite meast ynsekten en spinnen, yn de winter ek slakken en sieden.

Fuortplanting[bewurkje seksje | boarne bewurkje]

It piipljurk-wyfe makket in nêst op de grûn ferside tusken de begroeiing. Yn it nêst leit it wyfke 3-5 spikkelde aaien fan ferskate kleuren, meast griisblau en brún. Sy briedt de aaien yn 11-15 dagen út, wêrnei de jonge fûgels noch 12-14 dagen yn it nêst troch beide âlden fuorre wurde. It piipljuknest is in favoryte plak foar de koekoek om har aaien te lizze.

Taksonomy[bewurkje seksje | boarne bewurkje]

De piipljurksoarte is monotypysk, d,w,s, dat der gjin ûndersoarten binne.

Keppelings om utens[bewurkje seksje | boarne bewurkje]