Ossensyl

	Ossensyl
	Ossensyl oan it kanaal fan Stienwyk nei Ossensyl
	Emblemen
	Bestjoer
Lân	Nederlân
Provinsje	Oerisel
Gemeente	Stienwikerlân
	Sifers
Ynwennertal	570 (1 jannewaris 2023)
Oerflak	15,67 km² wêrfan ; 14,26 km² lân ; 1,41 km² wetter
Befolkingsticht.	36 ynw. / km²
	Oar
Tiidsône	UTC +1
Simmertiid	UTC +2
Koördinaten	52° 49' N 5° 55' E
	Offisjele webside
	www.ossenzijl.com
	Kaart
	;

Ossensyl^[2] (Nederlânsk, offisjeel: Ossenzijl, Nedersaksysk: Ossenziel) is in doarp yn de gemeente Stienwikerlân yn de Nederlânske provinsje Oerisel.

Ossensyl hat 570 ynwenners (1 jannewaris 2023).

Skiednis

It doarp krige syn namme mooglik troch de famylje Osse, dy't yn de 15e iuw in slûs (syl) yn in sydfeart fan de Linde oanlizze liet. De slûs dy't it wetter fan de Linde mei it boezemwetter fan it Lân fan Follenhove ferbûn, wurdt sûnt 1930 net mear brûkt. In oare ferklearring is fan Hendrikus Kooij (1822-1921), in gemeente-amtner. Hy oppenearre dat de namme fan de wetternamme Oyensgrope, dy't yn in tekst fan 25 maaie 1313 neamd waard, en dy wer fan de persoanenamme Oede, Oes, Hotse komt. Ossensyl kin in ferbastering fan Oedsesile wêze.

Op it plak stie ynearsten allinnich de slûs en letter ûntstie dêr in buorskip omhinne. Ossensyl waard nei de Twadde Wrâldkriich mei in wenwyk westlik fan it farwetter nei Kalenberg.

Toerisme

Ossensyl leit oan de Kalenbergergrêft, dy't de Weerribben en Kalenberg middels de Linde mei de Fryske marren ferbynt. It wetter wurdt benammen brûkt troch boatsjeminsken. Benammen simmerdeis lûkt Ossensyl in soad toeristen dy't in dei nei Nasjonaal Park Weerribben-Wieden geane. Ossensyl leit yn it natoergebiet De Weerribben. Dit gebiet is al ris keazen as moaiste plak fan Nederlân.

Yn de Weerribben stiet in lytse tsjasker.

Mienskip

It Pleatslik Belang behertiget de belangen fan it doarp. It doarpshûs De Slinger is it doarpshûs en moetingsplak fan in soad ferienings fan it doarp.

Religy

Yn Ossensyl steane twa tsjerken. Dy fan de eardere PKN-gemeente wurdt brûkt as atelier troch byldzjend keunstner Ilja Walraven, en troch in Vrije Zendings Gemeente.

Underwiis

Berne-opfangsintrum en basisskoalle Eben Haëzer

Ferienings

Roeiferiening RAP
De Breierij
Hearefoljebal Ossensyl
Tonielferiening Ossensyl
Stifting Geitefol Ossensyl
Iisklup Opnieuw Verenigd

Keppeling om utens

Hiemside fan Ossensyl

Boarnen, noaten en referinsjes

Boarnen, noaten en/as referinsjes:

Noaten

↑ https://www.cbs.nl/nl-nl/maatwerk/2021/31/kerncijfers-wijken-en-buurten-2021
↑ Kaart van Friesland / Kaart fan Fryslân, 1986, in útjefte fan it Provinsjaal Bestjoer fan Fryslân, de Fryske Akademy, de Ljouwerter Krante, VVV Fryslân-Ljouwert, Falkplan-Suurland B.V. Eindhoven.

Boarnen

Website van de parochie St. Jans Geboorte, met historische informatie over de kerk en de parochie (deade link)
(ned) Ossensyl Plaatsengids
(ned) Skiednis fan Ossensyl yn Geschiedenis fan de Stellingwerven en Noordwest-Overijssel

52° 48' NB, 5° 55' EL

	Stienwikerlân
Stêden: Bloksyl • Follenhove • Stienwyk
Doarpen: Aldemerk • Belt-Schutsloot • Blankenham • Eesveen • Giteren • Kallenkote • De Kúnder • Ossensyl • Scheerwolde • Sint-Janskleaster • Stienwikerwâld • Wanneperveen • Willemsoard
Buorskippen en útbuorrens: Baarlo • Baars • Barsbeek • Basse • Basserveld • Blauwe hand • De Bult • Doosje • Dinxterveen • Dwarsgracht • Eese • Heetveld • Iselham • Jonen • Kadoelen • Kalenberch • De Klosse (foar in part) • De Krieger • De Kolk • Leeuwte • Marijenkampen • Moespot • Molenhoek • Muggenbeet • Nederland • Onna • Paasloo • Poepershoek • De Pol • Roekebosch • Ronde Blesse • Ronduite • Thij • Tuk • Westeinde • Wetering • Witte Paarden • Zuideinde • Zuidveen
· ·

[1] ttps://www.cbs.nl/nl-nl/maatwerk/2021/31/kerncijfers-wijken-en-buurten-2021

[2] Kaart van Friesland / Kaart fan Fryslân, 1986, in útjefte fan it Provinsjaal Bestjoer fan Fryslân, de Fryske Akademy, de Ljouwerter Krante, VVV Fryslân-Ljouwert, Falkplan-Suurland B.V. Eindhoven.

[1]

[2]