Middelie

	Middelie
	Emblemen
	Bestjoer
Lân	Nederlân
provinsje	Noard-Hollân
gemeente	Edam-Volendam
	Sifers
Ynwennertal	720 (1 jannewaris 2023)
Oerflak	8,27 km², wêrfan: ; - lân: 7,63 km² ; - wetter: 0,64 km²
Befolkingsticht.	87 ynw./km²
	Oar
Ferkearsieren	N247
Postkoade	1472
Netnûmer	0299
Tiidsône	UTC +1
Simmertiid	UTC +2
Koördinaten	52° 32' NB, 5° 1' EL
	Kaart
	;
	Kaart
	Himrik (grien) fan Middelie yn de eardere gemeente Seefang

Middelie is in doarp yn de gemeente Edam-Volendam yn de Nederlânske provinsje Noard-Hollân yn de krite Wetterlân. It doarp leit yn de Polder Seefang en hat 720 ynwenners (1 jannewaris 2023). De buorskip Axwijk heart ta de himrik fan Middelie.

Skiednis

It doarp waard earst neamd yn 1277 as Homines de Middela en bestjut "yn it midden (middel) fan de rivier (ie). Fierder wurdt it doarp neamd yn 1342 Middelee, 1357 Middelye, 1417 Middely en yn 1680 (werprintinge yn 1745) Middelye.^[2].

Middelie ûntjoech him yn de 12e iuw as in feanterijdelsetting. It waard ynearsten in fiskersdoarp, mar nei't de Purmer drûchlein waard, ferlear it syn ferbining mei de see en ûntjoech it doarp as lintdoarp besteande benammen út in boeremienskip. It doarp wie min te berikken, allinnich mei boatsjes oer it wetter of oer de diken fan de Purmermar. By de Reformaasje setten in soad minnisten harren nei wenjen yn it doarp en tochten dat se yn it isolearre doarp frij feilich wêze soene. Oant yn de 20e iuw makken minnisten de helte fan de befolking fan it doarp út. De fermanje waard yn 1899 en wie in ienfâldige sealtsjerke dy't in houten ien ferfong.^[3]

De ynwenners libben oant mid 20e iuw benammen fan de melkfeehâlderij en tsiisproduksje.

Middelie wie oant 1970 in selsstannige gemeente. Oant de mid 19e iuw waard de gemeente wol "Middelie en Axwijk" neamd. Yn 1970 fusearre de gemeente mei de gemeenten Beets, Kwadijk, Oosthuizen en Warder ta de gemeente Seefang, neamd nei de Polder Seefang, dêr't Middelie yn leit. Yn 2016 waard dy gemeente part fan de gemeente Edam-Volendam

Ferkear en ferfier

De N247 rint eastlik parallel fan it doarp fan Oosthuizen nei Edam.

Ofbylden

De fermanje
Nederlânsk-herfoarme tsjerke yn 1963
Axwijk

Keppelings om utens

Boarnen, noaten en referinsjes

Boarnen, noaten en/as referinsjes:

Noaten

↑ https://opendata.cbs.nl/statline
↑ G. van Berkel, K. Samplonius, Nederlandse plaatsnamen verklaard. etymologiebank.nl (2018).
↑ Ronald Stenvert, Monumenten in Nederland. Noord-Holland. Digitale Bibleteek foar de Nederlânske Letteren (2006).

Boarnen

Middelie yn Plaatsengids

52° 32' NB, 5° 1' EL

	Edam-Volendam
Stêd: Edam
Doarpen: Beets • Etersheim • Hobrede • Kwadijk • Middelie • Oosthuizen • Purmer (foar in part) • Schardam • Volendam • Warder
Buorskippen: Axwijk • Katham • Verloreneinde
· ·

[1] ttps://opendata.cbs.nl/statline

[2] G. van Berkel, K. Samplonius, Nederlandse plaatsnamen verklaard. etymologiebank.nl (2018).

[3] Ronald Stenvert, Monumenten in Nederland. Noord-Holland. Digitale Bibleteek foar de Nederlânske Letteren (2006).

[1]

[2]

[3]