Fleanbasis Ljouwert

Ut Wikipedy
Jump to navigation Jump to search
It boerd by de yngang fan de Fleanbasis Ljouwert.

De Fleanbasis Ljouwert is in fleanbasis fan de Keninklike Loftmacht. De fleanbasis fan Ljouwert is mei de Fleanbasis Volkel de lêste saneamde Main Operation Base (MOB). De basis leit inkele kilometers noardwestlik boppe Ljouwert. Der binne likernôch 1.200 minsken oan it wurk op de basis.

Skiednis[bewurkje seksje | boarne bewurkje]

Bombardemint op fleanfjild Ljouwert troch B-26 Marauder bommesmiters op 24 febrewaris 1944

Sûnt 1938 leit der in fleanbasis by Ljouwert. De earste twa jier wie dit in boargerfleanfjild mei in gersbaan, mar nei de Dútske besetting troch de Luftwaffe waard it omboud ta Fliegerhorst Ljouwert en waard fan it gersfjild in hurde baan makke.

In de oarlochsjierren waard it fleanfjild, om syn noardlike lokaasje, in protte bombardearre troch de Royal Air Force (RAF). De baan waard meastal fuortendaliks wer makke omdat fan Ljouwert út de Dútsers maklik plakken yn Ingelân bombardearje koenen.

Nei de Twadde Wrâldkriich hat it fleanfjild oant 1949 as boargerfleanfjild tsjinst dien. Dêrnei is it yn gebrûk naam troch de Keninklike Loftmacht.

Yn de earste jierren fan de NAVO waard der in protte oefene troch oare loftmachten. Yn dy tiid wienen der fiif oefenterreinen dêr't de piloaten mei skerp sjitte mochten. Hjirfan binne allinnich noch de Flyhors en de ‘Temperary Reserved Airspaces’ boppe de Noardsee oer.

Takomst[bewurkje seksje | boarne bewurkje]

De basis by de Iepen Dagen Keninklike Loftmacht yn 2001.

Mei de besunigings op it Ministearje fan Definsje binne der de ôfrûne jierren in protte loftmachtbasissen sluten. Tsjintwurdich binne allinnich de fleanbasissen Volkel, Ljouwert en de helikopterbasis Gilze-Rijen iepen as Main Operating Bases.

Iepen dagen[bewurkje seksje | boarne bewurkje]

Om de trije jier wurdt der yn juny de "Open Dagen Koninklijke Luchtmacht" hâlden. Yn 2008 wienen dy dagen op 20 en 21 juny.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • Tj. de Jong e.o. (2010): Voor vriend en vijand paraat, de geschiedenis van Vliegbasis Leeuwarden, Utjouwerij van Wijnen.