Dokkumer Lokaeltsje

Dokkumer Lokaeltsje Ljouwert- Eanjum
Totale lingte	46,6 km
Spoarwiidte	normaalspoar 1435 mm
Oanlein troch	NFLS
Iepene Ljouwert– Ferwert: 22 april 1901 Ferwert – Mitselwier: 2 oktober 1901 Mitselwier – Eanjum: 24 augustus 1913
Opheffing treintsjinst Ljouwert- Dokkum-Ealsum: 1942
Opheffing treintsjinst Ljouwert- Dokkum-Ealsum: 1 desimber 1940
hjoeddeistige status	Opbrútsen
Elektrifisearre	nee
Tal spoaren	1
Trajekt
spoar fan Bad Nijeskâns tramwei fan Sint-Jabik oant 1927 0,0 Ljouwert wurkplak Stadler Rail spoar nei Arnhim stamline de Swette opbrútsen spoar nei Harns Haven spoar nei Starum Harnzer Trekfeart aansluiting Philips opbrútsen 2,6 Ljouwert Halte Tramwei Ljouwert - Sint-Jabik opbrútsen Fleanbasis Ljouwert 5,7 Jelsum 7,0 Koarnjum 8,0 Britsum 9,3 Stiens ZPC spoar nei Harns opbrútsen 11,3 Feinsum 12,4 Hijum 14,9 Hallum 17,6 Marrum-Westernijtsjerk 19,7 Ferwert 22,2 Blije 25,6 Holwert 30,0 Ternaard 32,0 Hantum 36,5 Dokkum-Ealsum 39,2 Wetsens 42,0 Mitselwier 44,2 Moarre-Ljussens 46,6 Eanjum

It spoar fan Ljouwert nei Eanjum wie in spoarwei yn Fryslân, mei in langte fan sa'n 46 km en wie ferneamd ûnder de namme it Dokkumer Lokaeltsje .

Skiednis

It spoar fan Ljouwert nei Eanjum waard oanlein troch de Noord-Friesche Locaal-Spoorwegmaatschappij dy't oprjochte waard op 31 maaie 1899. It spoar is yn trije parten yn gebrûk naam:

• Ljouwert - Ferwert (22 april 1901)
• Ferwert - Mitselwier (2 oktober 1901)
• Mitselwier -Eanjum (28 augustus 1913)

It tal reizgers hat nea grut west en mei it reizgersferfier waard ek al op 1 july 1936 ophâlden. Mei it frachtferfier wie mear te fertsjinjen en dat hat dan ek noch in skoft langer trochset, benammen tusken Dokkum en Ljouwert; mar yn 1998 is ek it lêste frachtferfier, op it trajekt Ljouwert-Stiens, stoppe.

It spoar tusken Eanjum en Dokkum is ôfbrutsen yn de Twadde Wrâldkriich doe't de Dútsers slim ferlet oan metalen foar de oarlochsyndustry hiene.

Oare NFLS-spoaren

Oan it begjin fan de 20e iuw hie Stiens ek in treinferbining mei Harns oer Tsjummearum. Yn dyselde tiid wie der ek noch in direkte ferbining tusken Tsjummearum en Frjentsjer. Mei de komst fan de autobus en frachtwein wie der gjin fan ferlet mear fan in spoar tusken Stiens-Harns en Tsjummearum-Frjentsjer. Yn 1933 hold it reizgersferfier Frjentsjer-Tsjummearum op, yn 1935 waard de ferbining Tsjummearum-Harns opheft en yn 1936 waard ek it treinferkear tusken Tsjummearum-Stiens stop setten.

Stasjons en gebouwen

	Stasjon	Iepene	Slúten	Type gebou	hjoeddeistich gebrûk
	Ljouwert	1863		1863, type SS tredde klasse	Stasjon
	Ljouwert Halte	1901	1940	1900-1970, NFLS halte 2e klasse	Ofbrútsen
	Jelsum	1901	1940	1900-1944, NFLS halte 3e klasse	Ferlern gien yn de Twadde Wrâldkriich
	Koarnjum	1901	1930
	Britsum	1901	1940
	Stiens	1901	1940	1900, NFLS 1e klasse	Wenhûs
	Feinsum	1901	1932	1901-1931, NFLS halte 3e klasse	Ofbrútsen
	Hijum	1901	1940	1900, NFLS halte 3e klasse	Wenhûs
	Hallum	1901	1940	1900-1970, NFLS 2e klasse	Ofbrútsen
	Marrum-Westernijtsjerk	1901	1940	1900, NFLS 2e klasse	pankoekrestaurant
	Ferwert	1901	1940	1900-1974, NFLS 2e klasse	Ofbrútsen
	Blije	1901	1940	1900, NFLS halte 2e klasse	Bedriuwsgebou
	Holwert	1901	1940	1901, NFLS 2e klasse	Bedriuwsgebou
	Ternaard	1901	1940	1901, NFLS halte 2e klasse	Wenhûs
	Hantum	1901	1940	1901-1960, NFLS halte 3e klasse	Ofbrútsen
	Dokkum-Ealsum	1901	1973	1901-1973, NFLS 2e klasse	Ofbrútsen
	Wetsens, nea boud stopplak tusken Dokkum-Ealsum en Mitselwier.
	Mitselwier	1901	1935	1909, NFLS 2e klasse mei klokgevel	Wenhûs
	Moarre-Ljussens	1913	1935	1909, NFLS halte 3e klasse	Wenhûs
	Eanjum	1913	1935	1909, NFLS 2e klasse mei klokgevel	Wenhûs

Regionale reklame

Op 31 maart 2011 is yn Ljouwert de Stichting Noord-Friesche Lokaal Spoorwegmaatschappij (St. NFLS) oprjochte, dy't fan doel is it Dokkumer Lokaeltsje foar regiomarketing te brûken. De NFLS wol dielen fan de âlde spoarbaan op 'en nij oanlizze. Teffens wol de stichting noch besteande ûnderdielen fan it spoar as kultureel erfgoed behoedzje foar ferfal en sloop. Yn 2015 waard fan dat plan ôfsjoen omreden fan protesten fan boeren.

• 
  Rest fan it spoar op de loftmachtbasis fan Ljouwert yn 2008.
• 
  De trein ferlit stasjon Dokkum-Ealsum yn de rjochting fan Eanjum, 1928

Literatuer

• Oege Kleijne: Opkomst en ondergang van de Noord-Friesche Locaal-Spoorwegmaatschappij. Utj. Gegarandeerd Onregelmatig, Raalte, 2014. ISBN 978-90-78641-29-2

Keppeling om utens

• Spoarweiskiednis
• Spoarweimuseum te Utert
• Skiednis NS op ns.nl
• Spoorzoeker, wiidweidige spoarhistoarje
• Liet oer dit spoar fan Anne van der Mark

Boarnen, noaten en referinsjes

Boarnen, noaten en/as referinsjes: