Stasjon Marrum-Westernijtsjerk

Ut Wikipedy
Jump to navigation Jump to search
Stasjon Marrum-Westernijtsjerk

Stasjon Marrum-Westernijsjerk is in earder sparstasjon by Marrum en Westernijtsjerk. De halte lei oan it spoar Ljouwert-Dokkum (Dokkumer lokaaltsje) fan de NFLS. De halte, mei as ôfkoarting Mrm, waard boud yn 1900, iepene op 22 april 1901 en waard op 1 desimber 1940 opheft. It stasjonsgebou stiet der noch altyd. It is yn 2003 yn opdracht gan de gemeente Ferwerderadiel yngreven restaurearre, wêrby't it eksterieur werombrocht is yn de oarspronklike Jugendstil-styl. De restauraasje is meifinansierd troch it Jeropeesk Oriïntaasje- en Garânsjefûns foar de Lânbou.

Dit stasjon is boud nei it stasjonsûntwerp mei de namme Standerttype NFLS, dat benammen brûkt waard foar ferskate spoarstasjons yn Fryslân. It stasjon yn Marrum-Westernijtsjerk foel binnen it type NFLS 2e klasse.