Diksmuide (Frânsk: Dixmude, Smude) is in stêd yn de Belgyske provinsje West-Flaanderen. De stêd leit yn de Frânsk-Belgyske regio Westhoeke, oan de Izer en de Handzamefeart. De fúzjegemeente Diksmuide bestiet sûnt 1977 út 15 dielgemeentes. Diksmuide is de grutste gemeente nei oerflak yn West-Flaanderen. Se hat sa'n 16.000 ynwenners.
De gemeente hat hjoeddedei in fral agrarysk karakter en biedt op dat mêd in protte wurkplakken, wêrby't Diksmuide in sintrumfunksje ferfollet yn tsjinstferliening en yndustry. Diksmuide hat de bynamme Bûterstêd, wat ferwijst nei de bloeiende suvelhannel, dy't iuwenlang ien fan de wichtichste ekonomyske pylders fan de stêd wie. De stêd is ek bekend fan de Earste Wrâldoarloch; troch syn lizzing oan it Izerfront hat it plak it swier te ferduorjen hân. Yn de tweintiger jierren waard de stêd folslein op 'en nij boud.