De Peazens

Ut Wikipedy
Jump to navigation Jump to search
De Peazens west fan Nijtsjerk op wei nei de seedyk
Ein fan de Peazens by Peazens-Moddergat

De Peazens wie in rivierke dat by de Dokkumer Ie begûn, en fan dêr nei it noarden en noardeasten rûn oant de doarpen Peazens en Moddergat, dêr't it yn de Waadsee útkaam. Oan de seekant is it yn 1449 ôfsletten, sûnt wettere De Peazens ôf op de Dokkumer Ie. De mûning yn de Dokkumer Ie is yn 1665 in daam yn lein. Nei de oanlis fan de feart Dokkum-Ealsum waard it wetter ôffierd troch it Noarderfallaat op de Dokkumer greft.

Fan Dokkum (Noarderfallaat) foarby Ealsum is no de Ealsumer Feart de normale rin fan de Peazens. Fierder nei it westen kringelet noch de Alde Peazens. Wat fierder nei it noarden foarmet de Jaarlasleat in ferbining mei de Suderie.

Fan likernôch 1500 oan't de gearfoeging yn 1984 hat de Peazens de skieding west tusken West- en East-Dongeradiel.

De namme[bewurkje seksje | boarne bewurkje]

Yn it ferline kaam de stream ek as Pasen foar[1]. A.J. van de Aa jout yn Het Aardrijkskundig woordenboek der Nederlanden (It ierdrykskundich wurdboek fan de Nederlannen) as eardere namme de Donger. Hjoeddedei wurdt dat beskôge as in optochte beneaming as ferklearring foar de nammen fan de Dongeradielen. De namme bliuwt lykwols ûnwis; it is net dúdlik of it doarp Peazens de namme fan it wetter oarnaam hat, of oarsom. As oplossing is útstelt dat de Peazens faaks de Noarderie wêze koe dy't de reden is dat de Suderie net allinnich mar Ie is.

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Brouwer, J.H., en oaren (red.), Encyclopedie van Friesland, Amsterdam: Elsevier 1958, Peasens.