Aldhôf

Ut Wikipedy
Jump to navigation Jump to search
Kaartsje mei de offisjele wetternammen tusken Snits, De Jouwer en Akkrum

De Aldhôf is in mar fan sa. 25 ha. súdeast fan Snits, yn 'e eardere gemeenten Wymbritseradiel en Skarsterlân, no Súdwest-Fryslân en De Fryske Marren. It wurdt trochsnien troch it Prinses Margrietkanaal. Fia It Nau is it ferbûn mei de Wite Brekken. Oan de westkant is de mar middels de Easterwimerts ferbûn mei de Swarte Brekken.

Yn de mar leit in lyts eilantsje mei in fakânsjehúske. Op dit eilantsje skynt ek in saneamd ferlitten tsjerkhôf te lizzen. In ferlitten tsjerkhôf is in oerbliuwsel fan in ferdwûne delsetting. Se komme yn Fryslân benammen foar yn feangebieten.