Wite Brekken

Ut Wikipedy
Jump to navigation Jump to search

De Wite Brekken is in mar súdlik fan Snits yn de eardere gemeente Wymbritseradiel.

Goa[bewurkje seksje | boarne bewurkje]

Yn it noardwesten giet de mar oer yn de Swarte Brekken. Yn it noarden fan de mar komme de Wâldfeart en de Broersleat út. Troch de Modderige Ryd stiet de eastkant yn ferbining mei de Easterwimerts en fia It Nau yn it suden mei it marke de Aldhôf. De Wite Brekken meitsje ûnderdiel út fan it natuergebiet Wite en Swarte Brekken en Aldhôf, dêr't ek de omlizzende boezemlannen en de simmerpolders ûnder falle. De behearder is Steatsboskbehear. It gebiet is oanwiisd as Fûgelrjochtlinegebiet omdat winterdeis 17% fan de wrâldpopulaasje oan Wink hjir sliept, benammen yn de polder De Lange Warren. Yn it ferline wie it gebiet in bolwurk foar de Ljippeblom, mar dy is hjir al lang útstoarn.