Aldfaers Erf

	It Fryske Museumdoarp Aldfaers Erf
	museum
	De smidderij yn Allingawier
	Lokaasje
gemeente	Súdwest-Fryslân
plak	Allingawier
adres	Marwei 4
koördinaten	53° 3' NB, 5° 27' EL
	Algemiene gegevens
type	kultuerhistoarysk
oprjochting	15 maaie1977
oprjochter	Yde Schakel
	Kaart
	;

De Aldfaers Erf wie in museum yn it Fryske doarp Allingawier yn 'e gemeente Súdwest-Fryslân. Yn it iepenloftmuseum wie te sjen hoe't minsken sa om-ende-by 1900 op it Fryske plattelân libben. It museumdoarp wie in reorganisaasje fan 'e eardere Aldfaers Erfrûte, in museumrûte troch fjouwer doarpen, Allingawier, Eksmoarre, Ferwâlde en Piaam, yn de trijehoeke Boalsert, Makkum en Warkum.

Skiednis

Inisjatyfnimmer fan it projekt wie Yde Schakel dy't yn 1968 in winkeltsje ta museum makke yn Eksmoarre. Sûnt 1977 is de museumrûte fan hast 20 km yn hannen fan in stifting.

Yn 'e rûte wiene opnommen:

It museumdoarp Allingawier, mei yn de pleats 'De Izeren Ko' in tentoanstelling mei ûlebuorden. Fierders waard der omtinken jûn oan drabbelkoeken, in skilderswinkel en in brânwarhûs mei spuit út 1850. Ek is der in smidte yn de eksposysjetsjerke
Yn Eksmoarre stiet in âlde doarpsskoalle, in grutterswinkeltsje, in skuonmakkerswurkplak en 'Age's húske'
It natuerhistoarysk fûgelmuseum yn Piaam
It timmerwurkplak yn Ferwâlde.

It timmerwurkplak sleat yn 2005 en it fûgelmuseum yn 2010. Dêrnei waard de rûte reorganisearre ta it Fryske Museumdoarp Aldfaers Erf. Troch it ynlûken fan subsydzje troch de gemeente Súdwest-Fryslân en de provinsje Fryslân kaam it projekt faai te stean.^[1]

It museumdoarp gie dêrnei ticht en waard yn 2023 ferkocht.^[2]