Yde Schakel
Yde Schakel (Tsjerkwert, 10 juny 1928 - Snits, 9 april 2020) wie in oannimmer/restaurateur.
Schakel gie nei de ambachtsskoalle en waard dêrnei timmerman yn Eksmoarre. Yn de santiger jierren lei er him hieltyd mear ta op de restauraasjes. Op in stuit hie er 200 man yn tsjinst om de stream fan opdrachten oan te kinnen. Ein santiger jierren ferkocht er syn bedriuw. Yn 1973 stie Schakel oan de widze fan Monumintewacht Nederlân.
Hy wie de oprjochter fan de museumrûte Aldfaers Erf mei ûnder oaren de pleats de 'Izeren Ko' dy't er yn 1968 kocht en dêrnei restaurearre. Troch syn persoanlike winsk om in eigen state te hawwen en troch syn kennis en ûnderfining as oannimmer yn de restauraasjebou, boude er syn eigen state krekt bûten Allingawier. Hy neamde it Allingastate.
Op 28 juny 1989 sette Schakel útein mei de partij 'Grien Rjochts Gemeente Belangen'.
Schakel wie in leafhawwer fan silen en sadwaande anneks mei de opjochting fan de IFKS. Ek hie er in eigen wedstrydskûtsje en wie er behelle yn Oorlam Race mei skûtsjes, tusken Harns en Flylân.
Yde Schakel stoar yn de âlderdom fan 91 jier en waard te hôf brocht yn Allingawier. Trije jier letter waard de museumrûte opheft.
| Boarnen, noaten en/as referinsjes: |
|