Sint-Petersburch
| Sint Petersburch Санкт-Петербург |
||
 |
||
| loftsboppe: Ingelske Kaai mei de Izaäkkatedraal; rjochtsboppe: Petrus- en Paulusfesting
midden: Paleisplein midslofts: Winterpaleis; midsrjochts: Peterhof ûnder: Nevski Prospekt by nacht |
||
| Sifers | ||
| Ynwennertal | 4.848.700 (2010) | |
| Oerflak | 1439 km² | |
| Befolkingstichtens | 3.369,49 / km² | |
| Hichte | 3 m | |
| Polityk | ||
| Lân | Ruslân | |
| Federaal distrikt | Noardwest | |
| Oar | ||
| Stifting | 27 maaie 1703 | |
| Tiidsône | UTC+3 | |
| *Simmertiid | UTC+4 | |
| Webside | Offisjele webside | |
.png)
Sint-Petersburch (Russysk: Санкт-Петербург, Sankt-Peterboerg) is de twadwichtichste stêd fan Ruslân nei Moskou. It is in havenstêd dêr't in soad yndustry is, mar it is ek in wichtich wittenskiplik en kultureel sintrum. Beskiedend is de 18e en 19e ieuske boukeunst; de grêften, grutte lange diken, tunen, parken en paleizen binne foar toeristen tige nijsgjirrich.
Ynhâld |
Skiednis [bewurkje seksje]
- 1703, Sint-Petersburch wurdt stifte troch Peter de Grutte en wurdt haadstêd fan Ruslân.
- 1918, Moskau wurdt haadstêd fan Ruslân.
- 1914-1924, Sint-Petersburch hjit Petrograd omdat Sint-Petersburch te Dútsk klinke soe wylst de Russen fochten yn de Earste Wrâldkriich.
- 1917, Oktoberrevolúsje dêr't Vladimir Lenin in wichtige rol yn spile hat.
- Yn de Twadde Wrâldkriich hâlde de Dútsers Sint-Petersburch foar 29 moannen beset.
- 1924-1991, Sint-Petersburch hjit Leningrad.
Geografy [bewurkje seksje]
De rivier de Neva mûnet yn de Finske Golf. De stêd leit yn it deltagebiet. De stêd is boud op 42 eilannen. Heechwetter is in gefaar foar de stêd omdat de stêd net sa heech boppe seenivo boud is.
Demografy [bewurkje seksje]
Der wenje likernôch 5 miljoen minsken. Al yn it ferline hawwe in soad minsken út it westen har nei wenjen set yn Sint-Petersburch. Yn 2009 wie 89,1 % fan de ynwenners etnyske Russen. Dêrby komme 2,1 % Joaden, 1,9 % Oekraïners, 1,9 % Wyt-Russen en lytsere mienskippen fan Tataren, Kaukazen, Oezbeken en Finnen.
Befolkingsûntjouwing [bewurkje seksje]
|
|
-
Satelytfoto Sint-Petersburch
-
Nevski prospekt
-
Koepel yn de Hermitaazje
-
Nikolaas I
Transport [bewurkje seksje]
Sint-Petersburch hat in seehaven, in fleanfjild (Пулково Poelkovo) en farwetter nei de Wolga/Baltyske steaten. Yn de stêd ryd sûnt 1955 in metro. Sûnt 2008 leit der in 115 km lange ringdyk om de stêd hinne.
Ekonomy [bewurkje seksje]
Der is in protte yndustry, lykas stielyndustry, gemy, skepebou en masinebou. Der is in grutte autoyndustry. Bedriuwen út it bûtenlân binne Wrigley, Gillette, Rothmans, Unilever, Japan Tobacco en Coca-Cola. De bierbrouwerij Baltika hat hast in miljard euro omset (yn 2005). Baltika is de grutste bierbrouwerij yn Ruslân en East-Jeropa, en de twadgrutste fan Jeropa nei Heineken. Dútslân is op ekonomysk mêd tige fan belang foar Sint-Petersburch.
Underrjocht [bewurkje seksje]
De Russyske Akademy fan Wittenskippen sit yn de stêd en der binne ûndersyksynstituten by de rûs, fierders binne der trije universiteiten en in konservatoarium.
Kultuer [bewurkje seksje]
Der binne sa'n 120 museums, bygelyks de Hermitaazje en it Russysk Museum. Der binne 50 teaters, sa as it Mariinskiteater. It Eastersk-Ortodokse Alexander Nevski-kleaster is ien fan de wichtichste bouwurken yn de stêd. Neffens UNESCO sit Sint-Petersburch yn de top tsien fan reisdoelen fan de wrâld.
-
Narva-triomfbôge
-
It grutte paleis fan Peterhof mei de Grutte Kaskade
-
It Katarinapaleis yn Poesjkin
 |
Ofbylden dy't by dit ûnderwerp hearre, binne te finen yn de kategory Sint-Petersburch fan Wikimedia Commons. |
