Delta (rivier)

Ut Wikipedy
Gean nei: navigaasje, sykje
De Nyldelta út de romte wei

In rivierdelta is in stelsel fan ôftakkingen fan in rivier, foardat dy yn see of yn in grut mar útrint. De Grykske histoarikus Herodotus fierde dizze naam yn doe't hy de Nyl beskreau yn syn Historiën en de opfallende foarm op de Grykske (haad)letter delta (Δ) lykjen fûn. De Nyl hat dan ek ien fan de bekendste rivierdelta's. Letter binne mear mûnings dêr't rivieren grutte protten sidimint fuort by de mûning ôfsette ek delta's neamd, al hawwe sokken lang net altiten in trijehoekige foarm hawwe.

Deltastêden en klimaatferoaring[bewurkje seksje | edit source]

In soad rivierdelta's lizze leech. De tichtbefolke rivierdelta's binne dan ek kwetsber foar gefolgen fan de klimaatferoaring. Stêdsbestjoeren fan deltastêden oer de hiele wrâld wurkje gear yn it inisjatyf Connecting Delta Cities om de gefolgen fan de klimaatferoaring yn goede banen te lieden. Stêden dy't mei elkoar gearwurkje binne ûnder mear Djakarta, Rotterdam, Aleksandrje, Ho Chi Minh stêd, New Orleans, New York, Hamburg en Londen.