Wynmotor De Feanhoop
De Wynmotor De Feanhoop is in poldermole by it doarp De Feanhoop yn de gemeente Smellingerlân.
De mole is in grutte mealreeë Amerikaanske wynmotor fan it merk Herkules, type Metallicus. De mole waard makke by de Deutsche Windturbinen Werke yn Dresden en ymportearre troch de handelsmaatskippij R.S. Stokvis en Zonen út Rotterdam. Hy hat in wynrêd fan 30 blêden en in diameter fan 11 meter.
De mole waard eartiids yn 1921 delsetten foar de bemealing fan de 391 ha grutte polder De Hege Warren.[1] Hy hat tsjinne oant 1962, doe waard hy ferfongen troch in elektrysk gemaal. In jier letter waard de wynmotor troch in partikulier oankocht, dy't him foar takomstige generaasjes bewarje woe. De kosten dêrfoar blieken lykwols heech. Yn 1996 wie de mole yn sa'n minne steat dat hy om slimmer te foarkommen sloopt waard en opslein. Hy waard foar it symboalyske bedrach fan ien gûne ferkocht oan in oare partikulier. Dy waard ferplichte de mole te restaurearjen, mar hy koe de kosten dêrfoar net opbringe. Nei bemiddeling fan de gemeente Smellingerlân waard de mole dêrnei - wer foar ien gûne - ferkocht oan de hjoeddeiske eigener, de Stifting It Damshûs, dy't yn Nij Beets in iepenloft-feanterijmuseum eksploitearret. Dy liet de mole restaurearje. Yn 2000 waard de wynmotor wer yn gebrûk nomd op syn hjoeddeiske stee inkele hûnderten meters benoardeasten De Feanhoop. Dêr bemealt hy oan de Binnenringfeart de Grutte Feanpolder, dy't part is fan it natoerûntwikkelingsprojekt Petgatten De Feanhoop fan It Fryske Gea.
De wynmotor, dy't beheard wurdt troch it Wetterskip Fryslân, is oanwiisd as ryksmonumint. Hy is net te besichtigjen.
Sjoch ek
[bewurkje seksje | boarne bewurkje]Referinsjes
[bewurkje seksje | boarne bewurkje]- ↑ Oare boarnen neame 1926 as boujier.
| Boarnen, noaten en/as referinsjes: |
